Barlyq naýqastyń 16%-y, ıaǵnı 1 868 adamnyń derti bary profılaktıkalyq zertteý barysynda anyqtalǵan. Al 61%-y, ıaǵnı 7 004 adamnyń ózi medısınalyq kómekke qaıyrylǵanda jaman indetke shaldyqqany anyqtalǵan.
Indetti áli de kózge ilmeýshiler bar. Ondaılar qoǵamdyq jerlerde betperde taǵýdy, kópshilikke aralasqannan keıin qoldaryn muqııat jýýdy elemeıdi. Sonyń kesirinen naýqastar sany azaıar emes. Sońǵy málimetke qaraǵanda bir táýlikte 69 adamnyń boıynan indet shyqqan. Sonyń ishinde eń kóbi – 23 adam Petropavl qalasynan shyǵyp otyr. Aýdandar arasynda Esil, Aıyrtaý, M.Jumabaev alda keledi. Onda tıisinshe 10,8 jáne 7 adamnan indet tabyldy.
Jaman tumaý shyqqannan beri bul indet barlyq jastaǵy adamdar arasynan tabyldy. Sonyń ishinde 50 men 59 jas arasynan barlyq naýqastyń – 19%-y, 2 172 adamnan shyqty. Ekinshi orynda – jas shamasy 40 pen 49 jastaǵylar. Budan barlyq naýqastyń 13%-y, ıaǵnı 1 547 jaǵdaı tirkeldi. Jalpy, dertke eń kóp ushyraǵandar – jumys isteıtin halyq. Barlyq derttiń 34%-y osylardyń boıynan shyqty. Bul – 3 910 adam degen sóz.
Soltústikte derttiń kóbeıýine Reseı Federasııasymen shekarada ornalasqandyǵynyń da áseri tııýde. Byltyrǵy qazan aıy men bıylǵy aqpan aıy aralyǵynda osy eki eldiń oblys aýmaǵyndaǵy shekaralyq beketterinen barlyǵy 63 058 adam ótken. Sonyń PTR zertteýiniń anyqtamasy bolǵandary – 20 282 adam. Anyqtamasy joq reseılikter keri qaıtaryldy, qalǵandarynyń bári karantındik stasıonarlarǵa jatqyzyldy.
Oblysta PTR-test jasaıtyn 4 zerthana bar. Osy kúnge deıin onda 260 myńdaı adamnyń qany tekserýden ótti. Sonyń ishinde bıyl ótkender sany – 50 myńdaı adam. Qańtar aıynyń ortasyna deıin boıynan dert shyqqan adamdar sany táýligine 100-110 adam bolǵan edi. Vırýstyń damýyn turaqtandyrý sharalarynyń nátıjesinde qazir bul kórsetkish 65-70 adamǵa deıin tústi. 1 myńnan artyq adam vırýsqa qarsy vaksınanyń birinshi dozasyn ektirdi. Olar – medısına qyzmetkerleri, sanıtarlyq-epıdemıologııalyq qyzmet mamandary. Ázirge eshkimniń aǵzasynda jaǵymsyz reaksııa bolǵan joq. Aqpannyń ekinshi jartysynda Qaraǵandynyń farmasııalyq kesheninde jasalǵan «Spýtnık V» ekpesiniń ekinshi partııasy kelmekshi.
Osyǵan baılanysty shekteý sharalary da bosańdatylyp, 13 aqpannan bastap saýda-oıyn-saýyq ortalyqtarynyń, saýda oryndarynyń, tamaq emes taýarlar satatyn dúkenderdiń, basseınderdiń jumys ýaqyty uzartyldy. Qoǵamdyq kólik, trenajerlik zaldar, sport nysandary óz jumystaryn jalǵastyrýda.
Soltústik Qazaqstan oblysy
