Onyń aıtýynsha, Túrkistan oblysynda avtomobıl joldary men eldi meken kósheleriniń jalpy uzyndyǵy 17 286,6 shaqyrymǵa jetken.
«2020 jyldyń qorytyndysymen atqarylǵan jumystardyń nátıjesinde oblystyq jáne aýdandyq mańyzy bar avtomobıl joldarynyń jaqsy jáne qanaǵatty jaǵdaıdaǵy úlesi 79%-ǵa jetip, jospar asyra oryndaldy. О́tken jyly jalpy 868 nysan nemese 1 974,8 shaqyrym jol men eldi meken kósheleri qurys-jóndeý jumystarymen qamtyldy. Jyl qorytyndysymen 828 nysan, tıisinshe 1 525,4 shaqyrym jol paıdalanýǵa berildi. Budan ózge, byltyr oblystyq mańyzy bar avtomobıl joldarynyń boıyna 16 shaqyrym - velojol, 110,2 shaqyrym – aıaqjoldar, 4 621 dana - jaryq shamdar ornatyldy», dedi basqarma basshysy.
Sonymen qatar Maqtaaral aýdanynda oryn alǵan tótenshe jaǵdaı saldarynan sý basqan oblystyq mańyzy bar avtomobıl joldary men kósheleri qalpyna keltirilip, nátıjesinde 47,6 shaqyrym jol men 4 kópirge ortasha jóndeý jumystary júrgizilgen. Sondaı-aq Tólebı aýdanynda jaýǵan jaýyn saldarynan zaqymdanǵan 14 shaqyrym jol men sý shaıyp ketken 3 kópirge ortasha jóndeý jumystary júrgizilip, qalpyna keltirildi.
