Sondaı-aq «Rýhanı jańǵyrý» baǵdarlamasy aıasynda shyqqan «Jańa gýmanıtarlyq bilim. Qazaq tilindegi 100 jańa oqýlyq» jobasy boıynsha qazaq tiline aýdarylǵan kitaptardyń elektrondy nusqasy da júkteldi.
Kitaphana oqyrmandarynyń kez kelgen ádebıetti kompıýterge nemese mobıldi telefonǵa júktep alý múmkindigi qarastyrylǵan.
Aıta keteıik, oqý ornynyń elektrondy kitaphana qorynda 10 myńnan astam ádebıet saqtaýly. Onyń ishinde lısenzııalandyrylǵan taspalar, oqýlyqtar men sırek basylymdardyń elektrondy jáne sıfrlandyrylǵan nusqalary bar.
Jalpy alǵanda Qazaq ulttyq qyzdar pedagogıkalyq ýnıversıtetiniń Ǵylymı kitaphanasyndaǵy ádebıetter qory 1 mln-nan asady.
Basylymdardyń 700 myńǵa jýyǵy oqý quraldary bolsa, 192 myńnan astamy ǵylymı baǵyttaǵy kitaptar. Al kórkem ádebıettiń úlesi 142 myń kólemde.
Sondaı-aq ýnıversıtettiń kitap qorynda 54 myń shamasynda sózdikter, anyqtamalyqtar men ensıklopedııalar saqtaýly. Jalpy ádebıetterdiń 936 512-si qazaq tilinde, 120 939-y orys tilinde jáne 10 327-i shetel tilderinde.
Kitap qory kafedralardan túsken tapsyrystar boıynsha memlekettik satyp alý júıesi arqyly jáne avtorlardyń syıǵa tartylǵan kitaptary men ýnıversıtet baspasynan shyqqan oqýlyqtar arqyly tolyqtyrylady.
ALMATY
