Ekpe Almaty qalasyndaǵy №5 emhanada salyndy. Almatylyq máslıhat depýtattary aldymen dárigerlerdiń tekserýinen ótip, qan taldamasyn tapsyrdy. Ekpe saldyrǵannan keıin 30 mınýt boıy dáriger baqylaýynda boldy.
"Pandemııa kezinde koronavırýs juqtyryp alý qaýpi vaksına saldyrý qaýpimen salystyrǵanda áldeqaıda joǵary ekenin túsinemin. Biz adamdar arasynda jıi júremiz, sondyqtan vaksına óte mańyzdy. DDU paıymdaýynsha, jappaı vaksınalaýdyń arqasynda ǵana pandemııany toqtatyp, adamdardyń ómirin saqtap qalýǵa bolady", - dedi Almaty qalalyq máslıhatynyń depýtaty Stanıslav Kankýrov.
2021 jyldyń 1 aqpanynan bastap halyqty jappaı vaksınalaýǵa arnalǵan aýqymdy kampanııa bastaldy.
"Dáriger bolǵandyqtan, koronavırýstyń taralýyna jappaı vaksına saldyrý ǵana qarsy tura alatynyn túsinemin. Immýndaý aýrý qaýpin birneshe esege azaıtatynyn túsinýimiz kerek. Búgin áriptesterimizben birge halyqtyń qaýipsizdigi biz úshin asa mańyzdy ekenin kórsetkimiz keledi. Bul vırýsty osylaı ǵana jeńe alamyz", - dedi Almaty qalalyq máslıhatynyń depýtaty Ásııa Aqanova.
Qazaqstanda koronavırýstan vaksınalaý tegin jáne erikti túrde júrip jatyr.
Esterińizge salsaq, Almaty qalasy máslıhaty óz qyzmetiniń ashyq ári taza bolýyn qatamasyz etýge bar kúshin salyp keledi.
