Osy indetti juqtyrǵandar arasynda Aqtóbe qalasy, Mártók, Hromtaý, Muǵaljar, Shalqar aýdandarynyń turǵyndary bar. 1 aqpannan beri Reseı Federasııasynan jáne elimizdiń basqa óńirlerinen kelgen azamattar arasynan da koronavırýs ınfeksııasyn juqtyrǵan bes jolaýshy tirkeldi.
Qazirgi ýaqytta Aqtóbe qalasyndaǵy ınfeksııalyq aýrýhanada 76 adam emdelip jatsa, mundaǵy kereýettik júktelim 17%-dy quraıdy. Sondaı-aq 23 turǵyn qaladaǵy karantındik stasıonarda oqshaýlanǵan.
Aqpannyń 6 kúni qalada koronavırýs ınfeksııasyna qarsy vaksınasııalaý jumystary bastalyp, 19 aqpanda onyń birinshi kezeńi aıaqtalmaqshy. Ekpeni eń aldymen jurtshylyqpen tyǵyz baılanysta jumys isteıtin qurylymdardyń qyzmetkerleri alsa, sonyń ishinde 895 medısına qyzmetkeri bar.
О́ńirdegi epıdemııalyq jaǵdaıdyń turaqtylyǵyn nazarǵa alǵan bir top kásipker oıyn-saýyq oryndarynyń ashylýyn talap etken bolatyn. О́ıtkeni oıyn-saýyq bıznesiniń ókilderi bir jyldan beri óz kásipteriniń turalap, nesıelerin tóleı almaı jatqandaryn alǵa tartqan bolatyn. Epıdemııalyq jaǵdaı birqalypty bolǵandyqtan, oblystyń bas sanıtarlyq dárigeri shekteý sharalary kezeń-kezeńimen jumsartylatynyn habarlaǵan. Eń áýeli kelýshiler sany 30 paıyzdan aspaǵan jaǵdaıda muz aıdyndarynyń ashylýyna ruqsat etiledi. Meshitterdegi juma namazyna kelýshiler sany 100 adamnan aspaıtyn bolsa, 30 paıyzdyq tolymdylyqpen ruqsat etiledi. Aýyl meshitteri de ashylady. Sondaı-aq 45 paıyzdyq tolymdylyqpen mektep, orta jáne joǵarǵy oqý oryndaryndaǵy ashanalar qyzmetine ruqsat etiledi. Bul jerde de kelýshilerdiń betperde rejımi men áleýmettik araqashyqtyqty saqtaýy óte mańyzdy.
Shekteý sharalary kezeń-kezeńmen jumsartylǵanda, baqylaý toptarynyń jumysy kúsheıtilmekshi. О́ıtken qaladaǵy kóptegen oıyn-saýyq oryndary ýaqyttyq shekteý sharalaryn nazarǵa almaı, túngi saǵat 12.00-den keıin de jumystaryn jalǵastyryp jatady.
Qoǵamdyq baqylaý toptary 1-15 aqpan aralyǵynda shekteý talaptarynyń oryndalýyna 184 tekseris júrgizip, 11 zańbuzýshylyqty anyqtaǵan.
