TJD bastyǵynyń orynbasary azamattyq qorǵaý polkovnıgi A.Orymbaev qoıylǵan maqsattar men mindetterdi atap ótip, órt qaýipsizdigi aılyǵyn uıymdastyrý boıynsha nusqaýlyq ótkizdi.
Jylytý maýsymy áli jalǵasýda, sondyqtan órt sóndirýshiler taǵy da jeke sektor turǵyndaryna úı peshterin, elektr jabdyqtaryn paıdalaný kezinde órt qaýipsizdigi erejelerin saqtaý týraly, ýly gazben ýlanýdan qalaı saqtaný kerektigin eske salýdy sheshti.
TJD qyzmetkerleri bıylǵy jyly órttiń 16% - ǵa óskenin, saldarynan 6 adam qaza bolǵanyn atap ótti. 2 azamat órt shyqpastan tunshyqtyrǵysh gazdyń qurbany boldy. Eń órt qaýipti obektiler retinde - jeke turǵyn úıler jáne sharýashylyq qurylystar bolyp tabylady. Sondyqtan qutqarýshylardyń erekshe nazarynda kópbalaly otbasylar, qart dármensiz adamdar, áleýmettik jaǵdaıy tómen azamattar turatyn úıler qalady, olardyń barlyǵy memlekettik uıymdar tarapynan qoldaýdy talap etedi.
Osy maqsatta Qostanaı-2 shaǵyn aýdanynyń turǵyndaryna oblys TJ departamentiniń qyzmetkerleri reıd júrgizdi. Is-sharaǵa QR IIM Sh.Qabylbaev atyndaǵy akademııasynyń qyzmetkerleri, jergilikti polısııa qyzmeti, jastar uıymdarynyń ókilderi men eriktiler qatysty. Olar turmystyq sektor turǵyndaryn jylytý quraldarymen jumys isteý kezinde órt qaýipsizdigi erejelerin saqtaýǵa, otpen jumys kezinde abaı bolýǵa shaqyrdy.
Bul kúni oblystyq TJD kúshimen qurylǵan 9 mobıldi top 9 kósheni aralap, 235 úıde jáne jeke aýlalarda boldy, 820 azamatqa nusqaý berdi, 700-den astam úgit materıaldaryn taratty.
Sonymen qatar, Qostanaı qalasy ákimdiginiń qoldaýymen 10 úıge ýly gaz dabylqaqqyshtary ornatyldy. Kópbalaly otbasylar turatyn 3 úıde tútindikterdi kúıeden tegin tazartý boıynsha qyzmet kórsetildi.
О́z kezeginde Apattar medısınasy ortalyǵynyń qyzmetkerleri Qostanaı-2 turǵyndaryna medısınalyq betperdelerdi taratý boıynsha qaıyrymdylyq aksııasyn uıymdastyrdy. Daýys zoraıtqysh arqyly olar halyqty koronavırýstyq ınfeksııanyń aldyn-alý sharalaryn saqtaýǵa shaqyrdy.
Bul sońǵy reıd emes, qutqarýshylar áli de jylytý maýsymynyń sońyna deıin jeke sektor turǵyndarymen nusqaýlyqtar ótkizetin bolady.
