Jol kartasynda 10 negizgi syn-táýekel anyqtalǵan: qoljetimdi turǵyn úımen qamtamasyz etý; úlestik qurylys; áleýmettik sala; shet aımaqtardy, qoǵamdyq keńistikter men aýlalardy damytý; gazdandyrý; joldar men qoǵamdyq kólik; nóser kárizi men tazartý qurylystary; ekologııa; qoǵamdyq qaýipsizdik jáne shaǵyn jáne orta bıznesti damytý.
Elordanyń kóptegen turǵyndaryn alańdatyp otyrǵan ózekti másele – qoljetimdi turǵyn úımen qamtamasyz etý. Bul máseleni sheshý úshin jyl saıyn 10 myń páter salý josparlanýda.
«Jastar – bizdiń bolashaǵymyz. Elordada shamamen 250 myń jastar turady. Olarǵa jan-jaqty qoldaý kórsetiledi. Bul jumys isteıtin jastarǵa arnalǵan «Elorda jastary» qalalyq turǵyn úı baǵdarlamasyn iske qosý, bıznesti damytýǵa, oqýǵa jáne sportpen shuǵyldanýǵa qoldaý kórsetý», deıdi D. Káribek.
Turǵyn úı alaptarynda jaıly jáne tolyqqandy ómir súrý úshin 130 km sýmen jabdyqtaý jáne sý burý jelileri, 85 km nóser kárizi, úsh nóser kárizin tazartý qurylystary kesheni, bir qosalqy stansııa jáne 177 km elektrmen jabdyqtaý jelileri salynady. 500 aýlany jóndeý jáne abattandyrý josparlanǵan.
