Sońǵy 6 jylda elordadaǵy aýla klýbtarynyń sany 6-dan 23-ke, al tárbıelenýshileriniń sany 300-den 2 700-ge deıin ósti. Sport seksııalarynyń túri 6-dan 28-ge deıin, sondaı-aq shyǵarmashylyq úıirmelerdiń túri 5-ten 21-ge deıin ósti.
Qazirgi ýaqytta tárbıelenýshilerge horeografııa, beıneleý óneri, mýzyka, sándik-qoldanbaly óner, erkin kúres, vokal, karate, boks, fıtnes, shahmat, lezgınka, grek-rım kúresi, dzıýdo, qoıan-qoltyq urys, modeldeý jáne basqa da dáristerdi meńgerýi úshin barlyq jaǵdaı jasalǵan.
Aýla klýbtary qalanyń barlyq 4 aýdanynda jumys isteıdi: Almaty aýdanynda – 10, Baıqońyr aýdanynda – 8, Saryarqa aýdanynda – 3, Esil aýdanynda – 2. Al 2023 jylǵa deıin qalanyń turǵyn úı massıvterinde jáne shalǵaı aýdandarynda osyndaı 9 mekeme ashý josparlanyp otyr. Osylaısha balalardyń kóbi sporttyq seksııalarǵa tegin baryp, shyǵarmashylyqpen aınalysýyna jáne ýaqyttaryn qyzyqty ótkizýine múmkindik alady.
Aıta ketý kerek, aýla klýbtarynyń tárbıelenýshileri qalalyq qana emes, respýblıkalyq, sondaı-aq halyqaralyq deńgeıdegi sporttyq is-sharalarǵa belsendi qatysady.
Máselen, 2019 jyldyń ózinde olar túrli jarystardan 40 altyn, 56 kúmis jáne 44 qola júlde ákeldi.
Tárbıelenýshiler Qyrǵyzstan, О́zbekstan, Reseı, Vengrııa, Italııa jáne Qazaqstannyń Almaty, Aqtóbe, Pavlodar, Kókshetaý, Balqash sekildi túrli qalalarynda ótken saıystardyń júldegeri atandy.
Tolyq málimet alý úshin 8 (747) 190 9693 nómirine habarlasýǵa nemese Instagram jelisindegi ns_aula jáne astana_jastary paraqshasynan bilýge bolady.
