«Memleket basshysy Ábdimálikovter otbasynyń qaıǵylaryn bólisip, qaza bolǵan balalardyń ata-anasy men týystaryna jubatý lebizin bildirdi. Prezıdent bul jaǵdaıdy bir ǵana otbasynyń emes, búkil elimizdiń basyna túsken tragedııa dep sanaıdy. Ol balalardyń ata-analaryna jan-jaqty kómek kórsetýdi tapsyrdy. Memleket basshysynyń kóńil aıtý jedelhatyn Jambyl oblysynyń ákimi Berdibek Saparbaev jetkizdi», dep jazdy B. Ýálı.
Eske sala keteıik, keshe Jambyl oblysynda qaıǵyly jaǵdaı oryn aldy. Sarysý aýdanynyń ortalyǵy Jańatas qalasynyń 2-yqshamaýdanyndaǵy 5 qabatty turǵyn úıdiń 3-shi qabatynan órt shyǵyp, 16 sharshy metr aýmaqty sharpydy.
Páter ishinde ata-anasynyń qaraýynsyz kámelet jasyna tolmaǵan 2015, 2016, 2017, 2019 jáne 2020 jyly týǵan bes bala qalyp qoıǵan. Belgili bolǵanyndaı, balalardyń ákesi jumysta bolǵan, al anasy dúkenge shyǵyp ketken. О́rt saldarynan bes bala da tútinge ýlanyp, jedel túrde aýrýhanaǵa jetkizildi. О́kinishke qaraı, araǵa biraz ýaqyt salyp, bári de kóz jumǵan.
Búgin Jańatas qalasynda oryn alǵan jantúrshigerlik oqıǵanyń sebepteri anyqtaldy. Qaladaǵy turǵyn úıden shyqqan órt oqıǵasy tez tutanǵysh materıaldyń betine ashyq ot kóziniń túsýi saldarynan týyndaǵan.
