Oblys ortalyǵynan taıaq tastam jerdegi Ulan aýdanynyń ekonomıkasy ýaqyt ótken saıyn damyp, áleýmettik ǵımarattar boı kóterýde. Jaqynda, Tuńǵysh Prezıdent kúni aýdan ortalyǵy – Qasym Qaısenov atyndaǵy kentte aýdan ákimi Aıdos Sadyqov jurtshylyqpen kezdesti, ortalyq alańda jármeńke ótip, et, sút ónimderi arzan baǵamen saýdalandy.
Oblys ortalyǵynan taıaq tastam jerdegi Ulan aýdanynyń ekonomıkasy ýaqyt ótken saıyn damyp, áleýmettik ǵımarattar boı kóterýde. Jaqynda, Tuńǵysh Prezıdent kúni aýdan ortalyǵy – Qasym Qaısenov atyndaǵy kentte aýdan ákimi Aıdos Sadyqov jurtshylyqpen kezdesti, ortalyq alańda jármeńke ótip, et, sút ónimderi arzan baǵamen saýdalandy. Kezdesýde Aıdos Qabdýahıtuly jyl basynan beri 25 mıllıard teńgeniń ónerkásip jáne aýyl sharýashylyǵy ónimderiniń shyǵarylǵanyn aıta kelip, jaqynda «Qoljetimdi baspana» baǵdarlamasy boıynsha 80 páterlik turǵyn úıdiń iske qosylatynyn, ile-shala 100 páterlik turǵyn úıdiń salynyp bitetininen habardar etti. Ýkraınka aýylynda 1000 bastyq bordaqylaý alańy, Aıyrtaý aýylynda da osyndaı alań iske qosylatynyn aıta ketti.
Tústen keıin Aıyrtaý aýyldyq okrýginiń Zavıdnoe aýylynda eki áleýmettik nysannyń saltanatty ashylýy bolyp ótti. Oǵan aýyl, aýdan ardagerleri qatysty. Gúlmıra Nurhanova shaǵyn nesıe alyp, áleýmettik dúken ashypty. Ondaǵy baǵa arzan, máselen, bir bólke nan 40 teńge, bir kılo joǵary sortty un 56 teńge turady. Sondaı-aq, shekildeýik maıy, qant, basqa da taýarlar qala dúkenderindegi baǵamen birdeı. Aýyl turǵyndary qýanyshty. Endi keregimizdi oblys ortalyǵyna barmaı-aq, áleýmettik dúkennen satyp alatyn boldyq, deıdi olar.
Aýdan ákimi Aıdos Sadyqov áleýmettik dúkenniń ashylýymen quttyqtap bolǵan soń dúkenge kirdi. Shaǵyn, jınaqy dúkende qajetti zattardyń barlyǵy bar.
Budan keıin jınalǵandar 80 oryndyq dámhananyń ashylýyna qatysty. Erli-zaıypty Jumabek, Baqytjan Raǵyzbaevtar «Damý» baǵdarlamasy boıynsha 1 mıllıon teńge nesıe alyp, dámhanany iske qosqan. Onyń ashylý saltanatynda aýdan ákimi, ardagerler Nadejda Fedorova, Zııada Ýálıeva sóz alyp, buryndary aýylda dámhananyń bolmaýynan toı-tomalaq jasaýdyń qıyndyq týǵyzyp kelgenin aıtyp, endi osy máseleniń sheshilgendigine rızashylyǵyn bildirdi.
Aıta ketý kerek, munyń aldynda aýyldyń taǵy bir kásipkeri Sulýhan Aǵzamova 70 oryndyq jekemenshik balabaqsha salyp bergen eken. Balabaqshasy, áleýmettik dúkeni men dámhanasy bar aýyldan basqalar úlgi alyp jatsa, qanekı.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Ulan aýdany.
Sýrette: Zavıdnoe aýylyndaǵy áleýmettik dúkenniń ashylý saltanaty.
