«8 aqpannan 10 aqpanǵa deıin – úsh kún boıy «qyzyl» aımaqta boldyq. Sodan keıin taǵy da «sary» aımaqqa aýystyq, qazir biz «sary» aımaqta turmyz. Osyǵan baılanysty, árıne qazir bekitilgen krıterıılerge baılanysty shekteý sharalaryn jeńildetý máselesi qarastyrylýda. Iаǵnı, bul másele qazir talqylanyp jatyr, eger osy aptada turaqty túrde «sary» aımaqta bolsaq, árıne birqatar jeńildik qabyldanady», dedi S.Beısenova Nur-Sultan qalasynyń ákimdigi uıymdastyrǵan onlaın-brıfıngte.
Aıta keteıik, Nur-Sultanda aqpan aıynyń basynan beri 2192 jaǵdaı tirkelgen. Nur-Sultanda koronavırýspen aýyrǵandardyń negizgi úlesi 30-39 jasta.
Qazirgi ýaqytta elordada 21 mektepte karantın jalǵasýda. Al óz qalaýymen vaksına saldyrǵysy keletin elordalyqtar mamyr aıynda ekpe ala alady.
