Forým jumysyna Dúnıejúzilik meteorologııalyq uıymnyń Bas hatshysy Petterı Taalas, Túrkııa Respýblıkasynyń vıse-prezıdenti Fýat Oktaı, sondaı-aq Túrkııa Respýblıkasy, Qazaqstan, Ázirbaıjan, Qyrǵyzstan, Soltústik Kıpr, Túrkimenstan jáne О́zbekstannyń mınıstrlikteri men ulttyq gıdrometeorologııalyq qyzmetteriniń basshylyǵy qatysty.
Ekologııa, geologııa jáne tabıǵı resýrstar vıse-mınıstri Serikqalı Brekeshev túrik memlekettik meteorologııalyq qyzmetin qurylǵanyna 84 jyl tolýymen quttyqtap, túrki álemindegi apattarǵa tózimdilikti arttyrýda meteorologııalyq ınfraqurylymnyń mańyzdylyǵy týraly baıandama jasady.
Vıse-mınıstr ekonomıkanyń túrli sektorlary men jalpy halyq úshin tótenshe aýa raıy qubylystary týraly ýaqytyly eskertý qajettigin toqtala kelip, aýa raıy bizdiń ómirimizdiń ajyramas bóligi bolyp tabylatynyn atap ótti. Osyǵan baılanysty, mundaı kezdesýler kooperasııa úshin tıimdi alań bolyp tabylady jáne gıdrometeorologııalyq monıtorıng jáne boljaý salasyndaǵy jumysty birlesip jaqsartýǵa múmkindik beredi.
«Bizdiń jumysymyzdy jaqsartý úshin biz únemi jumys ádisterin jetildirip, usynylatyn ónimniń sapasyn jaqsartýymyz kerek. Aýa-raıy qubylystaryn tek óz eliniń derekterin paıdalana otyryp josparlaý múmkin emes, sondyqtan basqa meteorologııalyq qyzmettermen yntymaqtastyq, derektermen, tájirıbemen almasý jáne mamandardyń biliktiligin arttyrý mańyzdy jáne ajyramas bóligi bolyp tabylady», - dedi Serikqalı Brekeshev.
Kezdesý qorytyndysy boıynsha taraptar meteorologııa jáne gıdrologııa boıynsha strategııalyq jáne ǵylymı jospardy daıyndaý boıynsha jumys tobyn qurý múmkindigin, sondaı-aq ozyq tájirıbemen, halyqaralyq stıpendııalarmen jáne jobalyq múmkindiktermen almasý maqsatynda «Meteorologııa boıynsha Túrki álemi forýmynyń» veb-paraǵyn talqylaýǵa kelisti.
