– Tereńkól aýdandyq polısııa bóliminiń polıseıleri aýyl turǵynynan “Baıkal” travmatıkalyq tapanshasyn tárkiledi. Tapansha ishki ister organdarynda tirkelmegen. Sondaı-aq tártip saqshylary aýdannyń taǵy bir turǵynynan nómirsiz “MR-461” markaly travmatıkalyq tapanshany aldy. Atalǵan faktiler boıynsha Qazaqstan Respýblıkasy QK-niń 287-babynyń 2-bóligi (Jaraqat salatyn patrondarmen atý múmkindigi bar uńǵysyz atys qarýyn, gazdy qarýdy, qysqa uńǵyly tegis uńǵyly atys qarýyn, sol sııaqty onyń patrondaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha sotqa deıingi tergeý júrgizilýde, – dedi Pavlodar oblysy Polısııa departamenti Ákimshilik polısııa basqarmasy bastyǵynyń orynbasary Arystan Dúısembaev.
