Ekinshi oryndy Batys Qazaqstan oblysy ıelense, úzdik úshtikti Atyraý oblysy qorytyndylady.
Jarysta elimizdiń on eki óńirinen, ıaǵnı Almaty, Aqmola, Jambyl,Qyzylorda, ShQO, BQO, Aqtóbe, Atyraý, Qaraǵandy oblystarynan, sol sııaqty Nur-Sultan, Almaty jáne Shymkent qalalarynan 372 sportshy baq synady.
Sondaı-aq jarysqa Respýblıkalyq kıokýshınkaı-kan karate federasııasynyń prezıdenti Omarhan О́ksikbaev pen QR Sport jáne Dene shynyqtyrý isteri komıtetiniń tóraǵasy Serik Sapıev qatysyp, jarys jeńimpazdary men júldegerlerin arnaıy marapattady.
Úsh kúnge sozylǵan doda sanıtarlyq talaptarǵa saı uıymdastyryldy. Kıokýshınkaı-kan karateden Nur-Sultan qalasy quramasynyń aǵa jattyqtyrýshysy Dastan Abjanov karantın sportshylardyń jattyǵýyna áserin tıgizbeı qoımaǵanyn aıtty.
«Jarys joǵary dárejede ótti. Sanıtarlyq normalar qatań túrde saqtaldy. Qatysýshylar ár ýaqytqa bólinip, jeke-jeke shyǵaryldy. Shyny kerek sportshylarǵa biraz qıyndaý boldy. Karantınnen keıingi alǵashqy jarys bolǵandyqtan, daıyndyqtyń jetkilikti bolmaǵany baıqaldy. Budan da joǵary nátıje kórsetýge bolatyn edi, degenmen bul kórsetkish te jaman emes», dedi Dastan Dúısenbaıuly.
