Ekonomıka • 23 Aqpan, 2021

Qarjymyzdy qandaı kompanııalar basqarady?

159 ret kórsetildi

El azamattary zeınetaqy jınaǵyndaǵy qarjysyn jeke kompanııalar basqarýyna bere alady. Osyǵan oraı Qarjy naryǵyn retteý jáne damytý agenttigi zeınetaqy qarjysyn basqarýǵa laıyqty kompanııalar tizimi men olarǵa qoıylatyn talaptardy jarııa etti.

– Zeınetaqy jınaqtaryn ınvestısııalyq portfeldi basqarýǵa arnalǵan lısenzııasy bar, keminde 3 mlrd teńge mólsherindegi menshikti kapıtaly, sońǵy úsh jylda klıentterdiń 5 mlrd teńge mólsherindegi aktıvterin basqarý tájirıbesi bar, sondaı-aq sońǵy eki jyl ishinde shyǵynǵa urynbaǵan kompanııalarǵa berýge bolady, – degen edi agenttik tóraǵasynyń orynbasary Marııa Hadjıeva.

Agenttik eldegi ınvestısııalyq portfeldi basqarý lısenzııasy bar 18 kompanııa arasynan altaýyn tańdap alǵan. Olar – Jysan Invest jáne First Heartland Capital, Halyk Global Market, Halyk Finance, BCC Invest, Centras Securities. M.Hadjıevanyń aıtýynsha, basqarýshy kompanııalardy tizimge qosý olar zeınetaqy aktıvterin basqarý boıynsha qyzmet kórsetedi degendi bildirmeıdi. Sheshimdi kompanııanyń ózi nemese aksıonerler qabyldaıdy. Zeınetaqy jınaqtaryn bul kompanııalardyń basqarýyna berý úshin olar senimgerlik basqarýǵa jáne kastodıandyq qyzmet kórsetýge sharttar jasaýy qajet. Aldymen BJZQ óziniń resmı saıtynda ózi senimgerlik basqarýǵa sharttar jasaǵan basqarýshy kompanııalardyń tizimin jarııalaıdy. Sodan keıin ǵana salymshylar óz jınaqtaryn bul kompanııalardyń basqarýyna aýdarýǵa quqyly.

Kompanııalardy tańdaý kezinde portfeldi ınvestısııalaý jáne ártaraptandyrý táýekelderin barynsha azaıtý kózdelgen. Retteýshi (agenttik) zeınetaqy aktıvterin qarjy quraldarynyń bir shyǵarylymyna ınvestısııalaý lımıtterin belgiledi – oblıgasııalar úshin zeınetaqy aktıvteriniń 50 paıyzynan aspaıdy jáne aksııalar úshin 10 paıyzynan aspaıdy, sondaı-aq bir uıym jáne onyń úlestes tulǵalary shyǵarǵan qarjy quraldaryna 10 paıyzdan aspaıdy.

«Valıýta túrleri boıynsha qarjy quraldarynyń teńgerimdi portfelin qalyptastyrý úshin shetel valıýtasymen nomınırlengen qarjy quraldaryna ınvestısııalaý lımıtteri kózdeledi: bul zeınetaqy aktıvteriniń 50 paıyzynan kóp emes. Bul rette zeınetaqy aktıvterin qandaı da bolsyn qarjy quralyna ınvestısııalaýdyń naqty lımıtteri basqarýshy kompanııa bekitetin ınvestısııalyq deklarasııada belgilenetin bolady» delingen agenttik habarlamasynda.

– Zeınetaqy aktıvterin basqarýdy josparlap otyrǵan jeke basqarýshy kompanııalar qazirdiń ózinde senimdi basqarý kelisimsharttaryn jasaý boıynsha BJZQ-men jumysty bastap ketti. Kelesi aptada bul opsııa salymshylar úshin qoljetimdi bolady, – deıdi agenttiktiń baǵaly qaǵazdar naryǵy departamentiniń basshysy Edil Medeý.

Qysqasy, agenttik zeınetaqy jınaqtaryn jeke basqarýǵa berý máselelerin reglamentteıtin tıisti qaýlylardy qabyldaǵan. Ol boıynsha ınvestısııalaý strategııasyn basqarýshy kompanııanyń ózi aıqyndaıdy. BJZQ salymshylar múddesin qorǵaıdy. Salymshylar zeınetaqy jınaqtaryn bir basqarýshy kompanııadan ekinshisine jylyna bir retten artyq bere almaıdy. Bul rette jınaǵyn Ulttyq banktiń basqarýyna tek eki jyldan soń ǵana qaıtara alady.

– Zeınetaqy aktıvterin ınvestısııalaýdan yqtımal shyǵyndarǵa baılanysty ne operasııalyq qyzmet barysynda týyndaıtyn táýekelderdi barynsha azaıtý maqsatynda, retteýshi belgilegen negizgi talaptardyń biri – basqarýshy kompanııalardyń menshikti kapıtalyna qoıylatyn talap. Basqarýshylar senimgerlik basqarýǵa qabyldaǵan zeınetaqy aktıvteri kiristiliginiń eń tómen deńgeıin qamtamasyz etýge tıis. Eger kompanııa kórsetkishi kiristiliktiń eń tómen máninen az bolsa, basqarýshy kompanııa bul teris aıyrmany óz kapıtalynyń esebinen óteýi tıis. О́z kezeginde, kiristiliktiń eń tómen deńgeıi barlyq jeke basqarýshy kompanııalardyń basqarýyndaǵy zeınetaqy aktıvteriniń nomınaldy kiristiliginiń ortasha alynǵan koeffısıentiniń 70 paıyzy deńgeıinde belgilenedi, – dedi M.Hadjıeva.

BJZQ derekterine sáıkes, 2021 jylǵy 1 aqpandaǵy jaǵdaı boıynsha zeınetaqy jınaqtary bar 829 368 adam zeınetaqy jınaqtarynyń bir bóligin BJZQ-ǵa jeke basqarýshy kompanııalarǵa senimgerlik basqarýǵa berý quqyǵyn paıdalana alady.

Zeınetaqy jınaqtaryn jeke basqarýǵa berý quqyǵyn usyný BJZQ salymshylarynyń ózderiniń jınaq aqshasyn basqarýǵa degen múddeliligin arttyrady, qazaqstandyq emıtentterdiń baǵaly qaǵazdaryna ınstıtýsıonaldyq suranysty yntalandyrady jáne jalpy alǵanda ekonomıkaǵa oń áser etedi dep baǵalanyp otyr.

– Osyǵan deıin aıtylǵandaı, valıýta quralynyń portfeldiń 50 paıyzynan aspaý kerek ekenin, barlyq táýekeldiń kompanııaǵa tıesili ekenin, al memlekettik kepildiń bolmaıtynyn eskere otyryp basqarýshylar salymshylarǵa BJZQ usynyp otyrǵannan ózgeshe bolatyndaı agressıvti strategııa usyna almaıdy dep baılam jasaýǵa bolady. Kapıtalǵa qoıylyp otyrǵan qatań talap jáne ony shekteýli komıssııasy bar jıyntyq ortasha kirispen jabý jeke basqarýshylarǵa demotıvasııa bolady, sondaı-aq salymshylar úshin ınvestısııalaýǵa eshbir nusqa qaldyrmaıdy, – deıdi EXANTE halyqaralyq ınvestısııalyq kompanııasynyń sarapshysy Andreı Chebotarev.

Agenttik habarlaýynsha, zeınet jasyna jetpegen, jınaǵyndaǵy qarjysy memleket bekitken jetkilikti mólsherden asatyn, saqtandyrý kompanııalarymen zeınetaqy annýıteti kelisimshartyn jasaǵan azamattar (kompanııa olardy ómir boıy annýıtetti tólemmen qamtamasyz etedi) óz qarjysyn jeke kompanııalardyń basqarýyna bere alady. Salymshy zeınetaqy jınaǵyn kompanııaǵa aýdarý úshin aldymen BJZQ-ǵa habarlasady nemese elektrondy ótinish joldaıdy. Jınaqty tekserip shyqqan zeınetaqy qory qarjyny kompanııa shotyna 30 kún ishinde aýdarady. Zeınetaqy jınaǵynyń qalǵan bóligi Ulttyq bank baqylaýynda qala beredi.

Sondaı-aq kópshilikti «jeke kompanııaǵa aýdarǵan qarjymdy ınflıasııa «jutyp» qoımaı ma?» degen saýal da mazalaýy múmkin. Sol úshin salymshylardyń da óz ınvestısııalyq qarajatyn basqarýyna múmkindik berilip otyr. Siz ózińizdiń jeke zeınetaqy josparyńyzdy quryp, óz qarjyńyzdy ınvestısııalaýdyń jáne tabys tabýdyń balama saıasatyn tańdaýǵa quqylysyz. Investısııalyq portfeldi basqarýshyny jáne ınvestısııalyq strategııany tańdaı otyra salymshy táýekeldi óz moınyna alady. Bul birinshi kezekte zeınetaqy jarnalarynyń saqtalýyna memlekettik kepildiktiń basqarýshy kompanııanyń kepildemesimen aýystyrylýymen baılanysty. Bul kem degende zeınetaqy aktıvteri tabystylyǵynyń mınımaldy deńgeıin qamtamasyz etýi tıis.

 

Sońǵy jańalyqtar

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Pleı-offtan tys qaldy

Fýtbol • Búgin, 08:43

Úshinshi orynǵa kóterildi

Sport • Búgin, 08:40

Úzdik tórttiktiń qatarynda

Tennıs • Búgin, 08:39

Kásipkerlerge push-habarlama jiberedi

Tehnologııa • Búgin, 08:37

Uqsas jańalyqtar