«Atameken» ulttyq kásipkerler palatasynyń alańynda tapsyrys berýshiniń (qurylys salýshynyń) qyzmetin uıymdastyrý jáne fýnksııalaryn júzege asyrý qaǵıdalaryn talqylaý máseleleri boıynsha keńes ótti. Talqylaý qorytyndysy boıynsha, Qurylysshylar odaǵy otandyq taýar óndirýshilerge ótinim jiberý merzimderin usyndy, ony qaraý qorytyndysy boıynsha merdiger taýar satyp alýdyń nysana maqsaty týraly sheshim qabyldaǵan edi. Bul usynystardy «Atameken» UKP qurylys departamentiniń ókilderi, sondaı-aq odaq músheleri qoldady.
Alaıda búgingi tańda otandyq taýar óndirýshiler «Atameken» UKP-dan óndirýshilerdiń merdigerlermen mindetti túrde shart jasasý múmkindigin qarastyrýdy suraıdy, ıaǵnı taýardyń sapasyna, qunyna, qaýipsizdigine qaramastan, merdiger otandyq taýar óndirýshilerden taýar satyp alýǵa shart jasasýy tıis. Máselen, búgingi tańda merdigerlerdiń qazaqstandyq qamtý boıynsha mindeti memlekettik satyp alý týraly shart talaptarynda jazylǵan. Munymen qatar, otandyq óndiris taýarlary árdaıym talap etiletin sapa jáne qaýipsizdik standarttaryna sáıkes kele bermeıdi, sondaı-aq tańdaý quqyǵyn shekteı otyryp, qurylys obektileriniń sapasynyń nasharlaýyna jáne sol arqyly adamdardyń qaýipsizdigine qater tónýine septigimizdi tıgizemiz.
Azamattyq zańnamada tapsyrys berýshilerdiń merdigerdiń jedel-sharýashylyq qyzmetine aralaspaýy týraly talapty belgileıtin normalar jazylǵan, osy normalar qabyldanǵan jaǵdaıda Qazaqstan Respýblıkasynda kásipkerlik qyzmetti júzege asyrý erkindigi qaǵıdattary, kásipkerlik sýbektileriniń zańdylyǵy, teńdigi jáne adal básekelestigi buzylady. Sonymen qatar Prezıdent Q.Toqaev Qazaqstan halqyna Joldaýynda zańdy bızneske kedergi jasaý memlekettik qylmys bolyp tabylatynyn atap ótti. Osyǵan baılanysty odaq bul buıryqty qabyldaýdy qolaısyz dep sanaıdy.
