Shyǵystyń áıgili jeti shaıyrynyń biri Fırdoýsı jyrlaǵan, álem ádebıetiniń úzdik týyndysy sanalatyn bul kitap Muhamedııa Báımenovtiń jeke kitaphanasynda saqtalyp kelgen. Al 2018 jyldyń mamyr aıynda Jezqazǵan tarıhı-arheologııalyq mýzeıiniń 40 jyldyq mereıtoıyna baılanysty ótkizilgen is-sharada Muhamedııa aqsaqaldyń uly Álıhan Báımenov «Shahnama» kitabyn mýzeı qoryna tartý etipti.
О́tken ǵasyrdyń basynda Qarnaq, Shornaq, Aqtas medreselerinde oqyp, dinı bilim alǵan Muhamedııa Báımenovtiń ómirtarıhy tunǵan taǵylym. Keńes zamanynyń ózinde ol kisi Jezqazǵanda meshit ashý máselesin batyl túrde kóterip, partııanyń Ortalyq Komıtetine bir jarym jyldyń ishinde 15 ret hat jazǵan eken. Alǵan betinen qaıtpaǵan qaısar jan tabandylyǵynyń arqasynda maqsatyna qol jetkizgen: Muhamedııa Báımenov mysty shaharda tuńǵysh meshitti saldyryp, onyń alǵashqy ımamy bolady.
«Hıjra boıynsha shamamen 1329 jyly jaryqqa shyqqan bul «Shahnama» kitabynyń parsy, shaǵataı jáne túrik tilderinde jazylǵanyn anyqtap, oqyǵandar – Jezqazǵan qalasynyń burynǵy bas ımamy Mádı Smaǵulov pen Almaty meshitiniń qyzmetkeri Ábdiqapar qarı» degen derek keltiredi atalǵan mýzeıdiń basshysy Raýshan Qaparova.
Qaraǵandy oblysy,
Jezqazǵan qalasy
