Memlekettik qyzmetterdi HQO-ǵa barmaı-aq alýǵa kómektesetin jeke menedjer qyzmetin paıdalaný - azamattardyń ýaqytyn únemdeýmen jáne qolaılylyǵymen utymdy.
Ol úshin, eń aldymen HQO-ǵa baryp jeke menedjermen kelisimshartqa otyrý qajet. Alatyn qajetti qyzmetter tizimin usynyp, qyzmet qunyn tóleıdi.
Kelisim-shartqa otyrǵan sátten bastap qujattardy rásimdeý mashaqatynan qutylyp, halyq kóp shoǵyrlanatyn oryndarda densaýlyǵyńyzdy qaterge tikpeısiz.
«Qyzmet nátıjesin siz aıtqan jerge deıin ákelip beredi. Kelisim shartty 1 aıdan 1 jylǵa deıingi merzimge jasasýǵa bolady. Qazirgi tańda jeke menedjerler front-ofısterde otyr. Aldaǵy ýaqytta jeke menedjerler kelisim boıynsha qurylys kompanııalarynda da otyratyn bolady. Olar osy kompanııadan alynǵan jyljymaıtyn múlikti notarıýssyz rásimdeý qyzmetin kórsetedi» - deıdi «Azamattarǵa arnalǵan úkimet» memlekettik korporasııasy Almaty qalasy fılıalynyń dırektory Danııar Qyryqbaev.
Jeke menedjer quny qajet qyzmetter tizimi men qyzmettiń kúrdeliligine qaraı baǵalar preıskýrantyna sáıkes taǵaıyndalady.
Jeke tulǵalar tólemdi birden júzege asyrýy tıis. Al zańdy tulǵalar qyzmet aqysyn atqarylǵan jumys aktisine sáıkes tóleıdi.
