Fılıaldyń baspasóz qyzmeti: «Turǵyn úı ıesi tirkelgen azamattardyń sanyn eki jolmen bile alady. Birinshiden, Egov.kz portal arqyly. Ol úshin portalǵa kirip, JSN men paroldi nemese elektrondy sıfrly qoltańbany engizý qajet. Jeke kabınetke ótken soń «múlik» bóliminde «tirkelgen tulǵalardyń tizimin kórsetý/jasyrý» tetigin tańdaısyz», dep atap ótti.
Ekinshiden, EgovKzBot2.0 Telegram-boty arqyly júzege asyrylady. Eń áýeli «Start» batyrmasyn basyp, «qyzmetter» sanatyna ótý qajet. Sodan keıin «Jyljymaıtyn múlik» bólimindegi «meniń páterimde qansha adam tirkelgen» tetigin tańdaısyz.
«Eger menshigińizde birneshe páter bolsa – tizimnen qajetti mekenjaıdy tańdaýyńyz qajet. Uıaly telefonǵa kelgen tekserý kodyn engizesiz. Qajetti aqparat birneshe mınýt ishinde daıyn bolady» delingen habarlamada.
