Ol úshin, eń aldymen HQO-ǵa kezekti onlaın brondaısyz. Brondy rastaý úshin HQO-ǵa 20 mınýt erte kelý qajet.
HQO operatoryna kelesi qujattardy usynady:
- satyp alý - satý kelisimshartynyń 2 danasyn jasasyńyz:
- Múliktiń tehnıkalyq pasporty;
- Múlik menshigine quqyq beretin qujattar (satýshy tarapynan);
- Nekede bolsa, eki taraptyń da jubaıynyń notarıýs arqyly rásimdelgen kelisimi;
- Eger jyljymaıtyn múlik qurylys kompanııasynan satyp alynatyn bolsa, qosymsha:
- Satý jónindegi sheshim;
- Satyp alýshy nekede bolsa, notarıýs arqyly jubaıynyń rásimdelgen kelisimi.
«Qyzmet alýshy HQO-ǵa daıyn kelisimshartpen kelýi qajet. Kelisim-shartta mindetti túrde jyljymaıtyn múliktiń barlyq sıpattamasy (aýdany, qabaty, páter nómiri, kadastr nómiri jáne basqa da tehnıkalyq sıpattamalary) kórsetilýi tıis», - deıdi «Azamattarǵa arnalǵan úkimet» memlekettik korporasııasy Almaty qalasy fılıalynyń dırektory Danııar Qyryqbaev.
Onyń aıtýynsha, jyljymaıtyn múlikti qurylys kompanııasynan alǵan jaǵdaıda, HQO-ǵa kompanııa ókili keletin bolsa, kelisimshartta onyń aty-jóni kórsetilýi qajet. Eger olaı bolmaǵan jaǵdaıda, kelisimshartqa qol qoıýshy, ıaǵnı kompanııa dırektory, dırektorlyqqa taǵaıyndalǵany jaıynda buıryqpen HQO-ǵa ózi keledi.
Qyzmet quny (turǵyn úı úshin) - 1 202 teńge.
Qyzmet quny turǵyn úıden basqa jyljymaıtyn múlik túrleri úshin (qoıma, avtoturaq t.b.) aýdanyna qaraı ózgeredi.
Eger turǵyn úı jekejaı bolsa, qyzmet quny ózgermeıdi, biraq jer telimi jáne basqa da jekejaı aýmaǵyndaǵy qurylys nysandary úshin qosymsha tólem jasalady.
Qyzmet kórsetý merzimi qujat tapsyrǵan kúndi esepke almaǵanda – 1 jumys kúni.
