Keshe Úkimet Úıinde Premer-Mınıstr Serik Ahmetovtiń tóraǵalyǵymen EKSPO-2017 halyqaralyq kórmesine ázirlený men ony ótkizý jónindegi memlekettik komıssııanyń kezekti otyrysy bolyp ótti.
Keshe Úkimet Úıinde Premer-Mınıstr Serik Ahmetovtiń tóraǵalyǵymen EKSPO-2017 halyqaralyq kórmesine ázirlený men ony ótkizý jónindegi memlekettik komıssııanyń kezekti otyrysy bolyp ótti.
Otyrysta «Astana EKSPO-2017» UK» AQ basqarmasynyń tóraǵasy Talǵat Ermegııaev, Ekonomıka jáne bıýdjettik josparlaý mınıstri Erbolat Dosaev, Qorshaǵan orta jáne sý resýrstary mınıstri Nurlan Qapparov, Astana qalasy ákiminiń orynbasary Sergeı Horoshýnnyń esepteri tyńdaldy.
Premer-Mınıstr atalǵan máselege qatysty Elbasynyń EKSPO-ǵa ázirlik pen ony ótkizý sharalaryn Ulttyq josparǵa engizý jónindegi tapsyrmasyn oryndaýǵa erekshe nazar aýdardy. Bul sharalar barynsha ekonomıkalyq tıimdilik berýi tıis.
Otyrys barysynda «Astana EKSPO-2017» UK» AQ dırektorlar keńesi men basqarmasynyń jumys jospary, kórme nysandarynyń qurylysy men ınfraqurylymdaryn salý men damytý jónindegi jumys shtabtarynyń qyzmeti talqylandy.
Úkimet basshysy halyqaralyq kórmege ázirlik jáne ótkizý jumystaryn tııanaqty da sapaly júrgizý qajettigin taǵy bir eske sala otyryp, múddeli memlekettik organdarǵa, ulttyq holdıngter men kompanııalarǵa birqatar tapsyrmalar berdi, dep habarlady Premer-Mınıstrdiń baspasóz qyzmeti.
