Aqparattar aǵyny

*Almaty qalasyndaǵy 32 turǵyn úıdiń jaramsyz lıftileri aýystyrylady. Ol úshin respýblıkalyq bıýdjetten 312 mln. 500 myń teńge bólingen. Osy sha­harda negizinen 4 myńǵa jýyq lıfti jumys isteıdi. Sonyń eń eskileri budan 35 jyl buryn ornatylǵan. PIK qyzmetkerleri qazir tur­ǵyndarmen kelisimshartqa otyryp, atqarylatyn jumysty pysyqtaý ústinde.

*Almaty qalasyndaǵy 32 turǵyn úıdiń jaramsyz lıftileri aýystyrylady. Ol úshin respýblıkalyq bıýdjetten 312 mln. 500 myń teńge bólingen. Osy sha­harda negizinen 4 myńǵa jýyq lıfti jumys isteıdi. Sonyń eń eskileri budan 35 jyl buryn ornatylǵan. PIK qyzmetkerleri qazir tur­ǵyndarmen kelisimshartqa otyryp, atqarylatyn jumysty pysyqtaý ústinde.

*«Bolashaq» baǵdarla­ma­syna jańa sanattar engizildi. Osynyń negizinde buqaralyq aqparat ókilderi men mádenıet salasynyń qyzmetkerlerine magıstr atanýǵa múmkindik jasaldy. Qazirgi kezde bizdiń jas­tar bul baǵdarlama boıynsha álemniń 33 elinde bilim alýda.

*Qashaǵan ken ornyn­da munaı óndirýdi jańǵyrtý máselesi keler jyldyń qańtar aıy ortasyna qaraı sheshiledi. Osy jumysty júıeli júrgizý úshin «Samuryq-Qazyna» ulttyq ál-aýqat qory» AQ «Nort Kaspıan Opereıtıng Kompanı» ókilderimen ke­lissózder júrgizýde.

*2014 jyly «Almaty–Tashkent» halyqaralyq júrdek poıyzy jolǵa shy­ǵady. Budan bólek, «Astana–Zashıta», «Almaty–Zashıta», «Almaty–Tashkent» jáne «Almaty–Aqtóbe» júrdek poıyzdaryn qatarǵa qosý mindeti tur. Kólik jáne kommýnıkasııa mınıstri Asqar Jumaǵalıevtiń málimdeýinshe, jyl saıyn olardyń sany kóbeıtilip otyrady.

*Joǵary dáldiktegi spýt­nıktik navıgasııa­ júıesiniń jer ústi ınfraquryly­mynyń birinshi nysany Aqtaý aılaǵynda iske qosyldy. Bul qurylǵy mamandar tarapynan oń baǵalanyp otyr. О́ıtkeni, ol Kaspıı teńiziniń qazaqstandyq sektoryna ǵylymı-izdestirý jumysyn júrgizýge múmkindik beredi.

*Aqtóbe oblysynda aldaǵy merzimde «Qoljetimdi baspana-2020» baǵdarlamasy boıynsha 100 myń sharshy metr turǵyn úı salynady. Sondaı-aq, bıyl 607 turǵynǵa páter kilti tabys etiledi. Bul baǵdarlama jergilikti óńirde ótken jyldan bastap qolǵa alynǵan.

*Keler jyly «Batys Eýropa–Batys Qytaı» ha­lyqaralyq kólik dáliziniń 180 shaqyrymy paıdalanýǵa beriledi. 2015 jyly ony tolyq iske qosý josparlanǵan. Jalpy, bıyl bul baǵyt boıynsha oblystar aýmaqtarynda 1853 shaqyrym jolǵa jóndeý jumystary júrgizilgen.

*Qyzylorda qalasynda aldaǵy jyly jańa avtobýs parki salynady. Sonymen birge, 20 avtobýs satyp alý kóz­delýde. Osy isterdiń tııanaqty atqarylýyna 27 mln. dollar bólingen.

«QazAqparat», Egemen.kz habarlary boıynsha daıyndaldy.