Áýekompanııa ókilderiniń málimetinshe, 21 aqpanda Máskeý – Aqtaý reısi birjaqty baǵytta oryndalǵan.
Qazirgi ýaqytta Reseı tarapy joǵaryda atalǵan reısterdi oryndaýǵa qujattyq ruqsat bergen joq. Kompanııa joǵaryda atalǵan baǵyttar boıynsha bıletterdi satýdy ýaqytsha toqtatýǵa májbúr bolǵan.
«Reseı baǵyttaryndaǵy reısterdiń artýy jolaýshylar úshin de, áýekompanııa úshin de úlken mańyzǵa ıe. О́kinishke oraı, áýetasymaldaýshy reseılik avıasııa bıliginiń sheshimine áser etpeıdi. QR Azamattyq avıasııa komıteti men SCAT áýekompanııasy qazirgi ýaqytta josparlanǵan baǵyttardy tolyqqandy iske qosý boıynsha belsendi birlesken jumys júrgizýde» delingen habarlamada.
Kompanııa bul máseleni kelesi aptada sheshýdi josparlap otyr. Toqtaǵan reısterge qatysty jolaýshylarǵa ushý qunyn 100 paıyz qaıtarý nemese aıyppul sanksııalaryn qoldanbaı qaıta brondaý usynylady.
