"Saqtaǵan aǵamyz sanaly ǵumyrynda maǵynaly tirlik keshken, qazaq teatr óneriniń órisin keńeıtip, qanat jaıýyna zor úles qosqan naǵyz maıtalman qaıratker, bolmysy bólek azamat edi. Uzaq jyl irgeli óner oshaqtaryna basshylyq etken jaısań jan ujymdy daryndy túlektermen tolyqtyrýǵa, bilikti rejısserlerdi qanattandyrýǵa, talǵampaz kórermenge mazmuny mol dúnıelerdiń jol tartýyna eren eńbek sińirdi. Zeınetke shyqsa da merzimdi basylym betterindegi salmaqty materıaldarymen oqyrmandy teatr əleminen habardar etip otyrdy.
О́negeli ómir ıesiniń asyl beınesi týǵan-týys pen qalyń qazaqtyń kóńil tóri men júrek túkpirinde məńgi saqtalady.
Marqumnyń kózi tirisinde jasaǵan ıgi-jaqsy amaldary aldynan jarylqasyn. Jatqan jeri jaıly, topyraǵy torqa, aldy peıish, arty kenish bolsyn", dedi mınıstr.
Saqtaǵan Turlymuratov - 1933 jyly 10 tamyzda Qyzylorda oblysy, Syrdarııa aýdany, Sulýtóbe kystaǵynda dúnıege kelgen. 1955 jyly Tashkent teatr-kórkemsýret ınstıtýtynyń teatrtaný fakýltetin bitirip, 1955 - 1960 jyldary Qyzylorda oblys aralyq konsert-estrada birlestiginiń kórkemdik jetekshisi, 1960 - 1977 jyldary Qyzylorda oblystyq qazaq drama teatrynyń dırektory, 1977-1978 jyldary Qazaq akademııalyq drama teatrynyń karjy jónindegi, 1978 -1984 jyldary qazirgi Qazaq akademııalyq balalar men jasóspirimder teatry jáne Memlekettik akademııalyq orys balalar men jasóspirimder teatrynyń dırektory, 1986 -1993 jyldary Almaty qalasyndaǵy qýyrshaq teatrynyń dırektory bolyp jumys istedi. 1956 jyldan teatr jaıly maqalalary oblys jáne respýblıkanyń merzimdi basylymdarynda jarııalandy. 1993 jyldan respýblıkalyq dárejedegi zeınetker. 1968, 1979 jyldary Qazaqstannyń Joǵarǵy Keńesiniń Qurmet gramotasymen marapattalǵan, 1991 jyly "Qazaqstannyń eńbek sińirgen mádenıet qaıratkeri" ataǵyn ıelendi.
