Jarysty jerlesterimiz jap-jaqsy bastaǵan edi. Tusaýkeser kezdesýinde 63 kılo salmaqtaǵy Samatáli Tóltaev túrkııalyq Mezam Aqkólden aılasyn asyrsa, 51 kılo salmaqtaǵy Nazym Qyzaıbaı marokkolyq Rababy Cheddardy shań qaptyrdy. Eki boksshymyzdyń da óneri mamandar tarapynan joǵary baǵalandy. Alaıda olardan keıin sharshy alańǵa shyqqan bylǵary qolǵap sheberlerimiz senim údesinen shyǵa almady. Atap aıtsaq, 60 kılo salmaqtaǵy Rıma Volosenko amerıkalyq Rashıda Ellıske, al 52 kılo salmaqtaǵy Oljas Baınııazov úndistandyq Deepak Kýmarǵa jol berdi.
Sondaı-aq aldaǵy kúnderi biz erler arasynda Beıbarys Jeksen, Qýan Qýatov, Nurqanat Raıys, Baýyrjan Baıgonshekov, Saǵyndyq Toǵymbaı, Aıboldy Dáýrenuly jáne Ádil Basyǵaraevtyń ónerin tamashalaımyz. Al áıelder saıysynda Angelına Lýkas, Vladıslava Kýhta, Karına Ibragımova, Valentına Halzova jáne Nadejda Rıabes qolǵap túıistiredi.
