Bastapqyda qos komanda alma-kezek shabýyldar uıymdastyrǵanymen, birazǵa deıin bir-biriniń qaqpa kiltin taba almady. Tek birinshi kezeńniń aıaqtalýyna sanaýly sekýndtar qalǵanda Kertıs Volk ese ashty. Úzilisten keıin de shıelenisti tartys óz jalǵasyn tapty. Bul joly da «Barystyń» baǵy janyp, 32-mınýtta ekinshi shaıbany torǵa toǵytty. Bul goldyń avtory – Darren Dıs. Desek te 35-mınýtta Vıktor Tıhonov esep aıyrmashylyǵyn qysqartsa, úshinshi kezeńniń bel ortasynda Dmıtrıı Iýdın tarazy basyn teńestirip ketti. Arada bir mınýt ótpeı jatyp jerlesterimiz qaıta alǵa shyqty. Lınýs Vıdellden pas alǵan Fıl Varone nysanany dál kózdedi. Biraq bul qýanyshymyz uzaqqa sozylmady. 53-mınýtta Kırıll Petrov mergendik tanytty. Osylaısha, oıyn overtaımǵa ulasty. Al qosymsha ýaqytta aıdyn ıeleriniń asyǵy alshysynan tústi. Jeńis shaıbasyn Artem Galımov soqty. Esep – 4:3.
Qorjynynda 67 upaıy bar «Barys» qazir Shyǵys dıvızıonynda altynshy orynda keledi. Endi turaqty birinshilikte jerlesterimiz eki kezdesý ǵana ótkizedi: 25 aqpanda Qytaıdyń «Kýnlýn» jáne 27 aqpanda Ombynyń «Avangard» klýbtaryna qarsy oınaımyz.
