Aımaqtar • 24 Aqpan, 2021

Almaty oblysynyń sport mektepterine 22 avtokólik berildi

47 ret kórsetildi

Almaty oblysynyń ákimi Amandyq Batalov óńirdegi 22 sport mekemesine avtokólik kiltterin tapsyrdy. Bul syı búgin Taldyqorǵan qalasyndaǵy Saltanat saraıynda ótken 2020 jyldyń qorytyndysy boıynsha sport salasy úzdikterin marapattaý saltanatynda berildi, dep habarlaıdy Egemen.kz

Sharada aldymen óńirdegi sport salasynyń ótken jylǵy damýy, sportshylardyń jetken jetistikteri týraly beınerolık kórsetilip, jeńisti joldary tanystyryldy. Jınalǵan qaýymǵa alǵashqy bolyp sóz arnaǵan oblys ákimi Amandyq Batalov sport salasyna kórsetilip otyrǵan qoldaýlar jaıly qysqasha aıtyp, sportshylarǵa sheberlik, erik-jiger, kúsh-qaırat tiledi:

- Qazirgi kezde barlyq jastaǵy azamattar arasynda buqaralyq sportty damytýǵa basa nazar aýdarylyp keledi. Biz árbir aýdan ortalyǵynda zamanaýı sport keshenderin salyp jatyrmyz. О́tken jyly Qarasaı jáne Eskeldi aýdandarynda dene shynyqtyrý-saýyqtyrý keshenderi ashyldy. Jaqyn arada Kóksý aýdany Balpyq bı aýylyndaǵy sport kesheni ashýǵa daıyn. «Aýyl el-besigi» baǵdarlamasy boıynsha Balqash, Alakól, Uıǵyr, Aqsý, Raıymbek aýdandarynda 5 osyndaı keshen salynyp jatyr. Bul jalpy turǵyndardy, jastardy buqaralyq sportqa, dene shynyqtyrýǵa kóptep tartýǵa múmkindik beredi. 2020 jyly oblysta sport salasyn damytýǵa 18,3 mlrd. teńge  bóldik. Jýyrda Taldyqorǵan qalasynda Orta Azııada teńdesi joq Olımpıadalyq standartqa saı «Taldyqorǵan» ortalyq basseınin iske qosamyz. Munda balalarymyzdyń basseınde emin-erkin jattyǵýyna múmkindik týady. Bul ǵımaratta Álem chempıonattaryn ótkizýge bolady. Sol sııaqty biz sport mektepterin ashyp, shtat berip, búgin arnaıy kólik satyp áperip otyrmyz. Materıaldyq-tehnıkalyq bazany jaqsartý sharalary sportshy jastardyń jaqsy nátıjege jetýine yqpal etedi dep oılaımyn. Elimizdiń kók týy árqashan bıikte jelbiresin. Isterińiz sátti bolyp, alǵa qoıǵan maqsat-murattaryńyzǵa jete berińizder, - degen A. Batalov budan ári marapattaý rásimine kóship, úzdik sportshylarǵa Qurmet gramotasy men Alǵys hattaryn, arnaıy dıplomdar jáne 300 myńnan 2 mln. teńgege deıingi aqshalaı sertıfıkattar tapsyrdy. Marapat alǵandar qatarynda MMA sportynan QR halyqaralyq dárejedegi sport sheberi, 3 dúrkin Álem chempıony Ardaq Nazarov, kásipqoı boksshylar Janqosh Turarov pen Aıdos Erbosynuly, tárbıelenýshi sportshylary halyqaralyq jarystarda joǵary nátıjelerge qol jetkizgeni úshin birqatar jattyqtyrýshylar - sadaq atýdan  Nıgmatýlla Saıdıev, velosporttan Sanat Talaspaev pen Sábıt Taımenkenov, áıelder kúresinen Ádilet Ermakov, paýerlıftıngten Dáýren Elýbaev, shahmattan Qýanysh Jarqymbaev, sol sııaqty velosporttan QR-nyń 2020 jylǵy chempıony Baqytjan Bektenov, 10 jasqa deıingi jasóspirimder arasynda shahmattan ótken onlaın Álem chempıonatynyń kúmis júldegeri Elnaz Qalıahmet, ındorhokkeıden áıelder arasyndaǵy QR chempıony Vıktorııa Lobanova, basketboldan aıelder arasynda QR chempıony Dıana Býshmelova jáne basqa da birqatar azamattarǵa qurmet kórsetildi.

Oblystaǵy balalar men jasóspirimder sport mektepterine barlyǵy 22 shaǵyn avtobýs kóliginiń kilti berildi. Osy basqosýda sport salasyn aqparat quraldarynda nasıhattap júrgen jýrnalıster de marapat aldy.

Jıyn barysynda Ardaq Nazarov pen Vıktorııa Lobanova sóz alyp, áriptesterin merekeli kúnmen quttyqtap, bolashaqta Jetisý óńirinen álem chempıondary kóptep shyǵýyna tilektestigin bildirdi.

Atap ótsek, tek ótken jyldyń qorytyndysy boıynsha oblys sportshylary barlyǵy 853 júldege ıe bolǵan. Sonyń ishinde 292-si – altyn, 258-i – kúmis, 303-i – qola medal. Jyl ishinde 20 halyqaralyq sport sheberi, 124 sport  sheberi, 375 sport sheberligine kandıdat, 166 birinshi razrıadty sportshy daıyndaldy. О́ńir sportshylary Tokıodaǵy XXXII Jazǵy olımpıada oıyndaryna qatysýǵa 7 lısenzııa utyp alǵan. Olardyń arasynda sadaq atýdan Sanjar Mýsaev, Denıs Gankın, Ilfat Abdýllın, jeńil atletıkadan Aıman Ratova, grek-rım kúresinen Ashat Dılmýhamedov, velosporttan Sergeı Ponomarev, aýyr atletıkadan Zýlfııa Chınshanlo bar.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar