Aımaqtar • 24 Aqpan, 2021

Shymkentte 2021 jyly 109 kóshe jóndeledi

7 ret kórsetildi

Sapaly joldar – Infraqurylym baǵytyndaǵy basty ólshem. Byltyr qalada 417 shaqyrym jolǵa qurylys jáne jóndeý jumystary júrdi, dep habarlaıdy Egemen.kz

Jalpy sany 229 kóshe jóndelip, 2019 jylmen salystyrǵanda úsh ese artyq. Qala ákimi Murat Áıtenov halyq aldynda bergen jyldyq esebinde osylaı dedi.

Qala ákiminiń sózinshe, jaqsy jáne qanaǵattanarlyq joldardyń úlesi 56 paıyzdan 60 paıyzǵa jetti. 4 kópir qaıta jóndelip, 4 kópir salyndy. Jaz mezgilinde qolaısyzdyq týdyrǵanymen shaharda birqatar kósheler jańaryp qaldy.

– Bıyl Qonaev dańǵylyn jalǵastyramyz. 18 shaqyrymnan astam jol. Odan bólek, 31 astam shaqyrymdy quraıtyn A-2 aınalma jolynyń qaıta qurý jumystary júrgiziledi. Atalǵan joldardyń qurylysyn 2024 jylǵa deıin paıdalanýǵa berý kózdelýde. Nátıjesinde, Almaty-Tashkent baǵytyndaǵy tas joldy baılanystyrady jáne qalanyń tranzıttik áleýeti artady, -dedi M.Áıtenov.

Sonymen qatar, osy jyly Rysqulov – Qonaev kósheleriniń qıylysyndaǵy jolaıryqtyń qurylysy aıaqtalady. Bıyl Báıdibek bı – U.Arǵynbekov, kelesi jyly A.Nazarbekov – N.Nazarbaev dańǵylyndaǵy jolaıryqtyń qurylysy bastalady.

Aıta ketsek, 2021 jyly 109 kóshe jóndelip, jaqsy jáne qanaǵattanarlyq joldardyń úlesi 63 paıyzdan asady.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar