Aımaqtar • 24 Aqpan, 2021

Prezıdent Pavlodar oblysynyń besinshi synyp oqýshysyna syılyq berdi

534 ret kórsetildi

Eki apta buryn Ertis aýdanynan kelgen 10 jasar Mansur Baımusa Qasym-Jomart Toqaevqa hat jazyp, shahmat pen aǵylshyn tiline degen qyzyǵýshylyǵy týraly aıtyp bergen bolatyn. Memleket basshysynyń jaýabyn oǵan Pavlodar oblysynyń ákimi Ábilqaıyr Sqaqov tapsyrdy, dep habarlaıdy Egemen.kz oblys ákiminiń baspasóz qyzmetine silteme jasap.

«Aınalaıyn, Mansur! Seniń hatyńdy yqylaspen oqyp shyqtym. Maǵan joldaǵan aq tilegindi shynaıy rızashylyqpen qabyldadym. Shahmatpen aınalysyp, aǵylshyn tilin de meńgerip júrsin, jaraısyń. Elimizde óziń sııaqty zerek ári úlgili balalar bolsyn dep tileımin. Keleshekte óz isiniń mamany bolyp, otanymyzǵa adal qyzmet etetinine kámil senemin. Ata-anańa meniń sálemimdi jetkiz. Armanyń ár-daıym asqaq bolsyn, Mansur», delingen Prezıdenttiń jaýabynda

Prezıdent Qasym-Jomart Toqaev syılaǵan shahmat Mansurǵa tapsyryldy.

Sońǵy jańalyqtar

Uqsas jańalyqtar