Koronavırýs • 24 Aqpan, 2021

65 jastan asqan adamdardy vaksınasııalaýǵa ruqsat berildi

30 ret kórsetildi

Densaýlyq saqtaý vıse-mınıstri, bas memlekettik sanıtarlyq dáriger Erlan Qııasov 65 jastan asqan adamdardy vaksınasııalaýǵa qatysty qabyldanǵan sheshim jaıynda aıtty, dep habarlaıdy Egemen.kz.

«Shilde  aıyna deıin Qaraǵandy farmasevtıkalyq kesheniniń vaksınany óndirý kólemi 2 mln dozaǵa deıin jetkiziledi. 65 jastan asqan adamdardy vaksınasııalaýǵa qatysty óndirýshiniń resmı aqparatynyń negizinde medısınalyq qarsy kórsetilimderin eskere otyryp, osy jas erekshelik sanatyndaǵy adamdardy vaksınasııalaýǵa ruqsat berý týraly sheshim qabyldandy. Men QR Bas memlekettik sanıtarııalyq dárigeriniń tıisti qaýlysyna qol qoıdym», dedi E. Qııasov.

Budan soń ol KVI vaksınasyn engizýge qarsy kórsetilimderdi atady. Olar:

1) quramynda uqsas komponentteri bar vaksınanyń nemese vaksınanyń qandaı da bir komponentine asa joǵary sezimtaldyq;

2) anamnezdegi aýyr allergııalyq reaksııalar;

3) júktilik jáne bala emizý kezeńi;

4) 18 jasqa deıingi jáne 65 jastan asqan adamdar (tıimdiligi men qaýipsizdigi týraly derekterdiń bolmaýyna baılanysty);

5) II komponentti engizýge qarsy kórsetilimder: vaksınanyń I komponentin engizýge vaksınadan keıingi aýyr asqynýlar (anafılaktıkalyq shok, aýyr generalızasııalanǵan allergııalyq reaksııalar, qurysý sındromy, 40°S temperatýra jáne t.b.).

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar