Jeke qabyldaýǵa Nur-Sultan, Almaty qalalarynyń, Aqmola jáne Pavlodar oblystarynyń turǵyndary jazyldy.
Aqmola oblysyndaǵy jol qurylysyn qarjylandyrýǵa qatysty birinshi suraqty Qaraótkel aýyldyq okrýgi qoǵamdyq keńesiniń tóraıymy Dınara Abdrahmanova qoıdy.
«Búginde astana mańyndaǵy aımaqtyń ınfraqurylymyn damytýdyń problemalyq máselelerin sheshý úshin (onyń ishinde joldardy jóndeý jáne salý) Elordaǵa irgeles eldimekenderdi áleýmettik-ekonomıkalyq damytýdyń keshendi jospary arqyly iske asyrylýda. Keshendi josparǵa Selınograd aýdanynyń Qaraótkel aýyly qosyldy. Sizdiń kenttegi qalǵan 80 shaqyrym joldy jóndeýge 2022 jáne 2023 jyldarǵa qajetti qarajat qarastyrylǵan. Biz jobany tolyǵymen qoldaımyz», - dep jaýap berdi UEM basshysy.
Pavlodar oblysy Avtovokzaldar, avtomobıl jolaýshylar kóligi kásiporyndary qaýymdastyǵynyń prezıdenti Baqyt Sýenov pandemııaǵa baılanysty 2020 jylǵy kezeńde jolaýshylar tasymaly úshin QQS mólsherlemesin, sondaı-aq avtovokzaldar men avtostansalardyń múlkine salynatyn salyqty nóldendirý jóninde ótinish jasady.
Mınıstrdiń aıtýynsha, jolaýshylar avtobýsyn tasymaldaýshylardy QQS-tan bosatý máselesi birneshe ret kóterilgen. Bul usynys qoldaý tapty. 2020 jylǵy 10 jeltoqsandaǵy zańda turaqty áleýmettik mańyzy bar avtomobıl tasymaldaryn QQS-tan 3 jylǵa bosatý jónindegi norma kózdelgen.
«Tótenshe jaǵdaı kezinde ekonomıkanyń eń kóp zardap shekken salalaryn qoldaý úshin ýaqytsha salyqtyq yntalandyrý bóliginde Úkimettiń 3 qaýlysy qabyldandy. Qazirde qyzmetine tyıym salynǵan kásipkerlerdi qoldaý maqsatynda múlik salyǵynan bosatý máselesi qarastyrylýda», - dedi Ulttyq ekonomıka mınıstri.
Salyq keńesshisi Ekaterına Kım birneshe máselelerdi aıtty: qoǵamshyldardy salyq zańnamasyna ózgerister engizý jónindegi jumys tobyna qosý múmkindigi, karantınnen keıingi kezeńdegi bıznesti qoldaý sharalary men bólip tóleý sheńberinde salyq tóleý merzimin ózgertý.
«Biz sizdi mindetti túrde jumys tobyna qosamyz. Salyq saıasatyna ǵana emes, sondaı-aq kásipkerlikti damytýǵa jaýapty bizdiń mınıstrlik úshin sizder kóterip otyrǵan másele óte mańyzdy. Biz olardy ázirlenip jatqan sharalardyń sheńberinde zertteımiz. Olardyń keıbireýi boıynsha jumys júrgizilýde. Búginde bıznesti qoldaýdyń jedel jáne júıeli sıpattaǵy qosymsha sharalaryn pysyqtap jatyrmyz. Biz osyǵan sizdiń belsendi túrde qatysatynyńyzdy mindetti túrde kórgimiz keledi. Sizdermen bıznes usynystarynyń barlyq spektrin egjeı-tegjeıli talqylaýǵa daıyn ekenimdi bildiremin», - dep atap ótti Áset Erǵalıev.
Onlaın-qabyldaý barysynda Nur-Sultan qalasynan Jamılıa Sadyqova aksızderdi arttyrý jáne ónim qunyn ulǵaıtý esebinen zııandy ónimderdi (Qazaqstandaǵy temeki, alkogol jáne quramynda qant bar sýsyndar) retteý boıynsha usynys jasady.
«Salyq saıasaty sheńberinde aksızderdiń ósýine jáne ónimniń (alkogol, temeki jáne t.b.) qunynyń ósýine baılanysty siz aıtqan baǵyttar qoldaý tabýda. Biz bul jumysty júrgizip jatyrmyz. Búgingi kúni Salyq kodeksinde alkogol jáne temeki ónimderine aksızderdiń mólsherlemeleri kezeń-kezeńimen arttyrylǵan. Biz sizderdiń usynystaryńyzdy mindetti túrde eskeremiz jáne olardy talqylaý úshin tizimge engizemiz», - dep atap kórsetti Ulttyq ekonomıka mınıstri azamattardy qabyldaýdy aıaqtaı kelip.
