Oblystyq densaýlyq saqtaý basqarmasy baspasóz qyzmetiniń málimetinshe, búgin «103» qyzmetine Lenın kentiniń janyndaǵy respýblıkalyq tas jolda eki kólik soqtyǵysqany týraly habarlama tústi. Jol apatynan bes adam zardap shekti.
«1964 jáne 1986 jyldary týǵan eki er adamǵa jabyq bas súıek-mı jaraqaty jáne bas mıynyń shaıqalýy dıagnozy qoıylǵan» delingen habarlamada.
Sondaı-aq jol apatynan úsh áıel zardap shekken, onyń bireýi 81 jastaǵy zeınetkerde keýdesiniń jabyq synyǵy anyqtaldy. 1966 jáne 1974 jyldary týǵan ekeýinde bilek býynynyń kógerýi tirkeldi, olardyń bireýi aýrýhanaǵa jatqyzýdan bas tartty.
Barlyq zardap shekkender №1 qalalyq aýrýhanaǵa jetkizildi.
