Qoǵam • 25 Aqpan, 2021

2020 jyly qansha múgedek jan jumys tapty?

7 ret kórsetildi

Eńbek jáne halyqty áleýmettik qorǵaý mınıstriligi taratqan málimet boıynsha, byltyr elimizde 25 541 múgedek jandy jumyspen qamtýdy qoldaýdyń túrli sharalary qabyldanǵan, dep habarlaıdy Egemen.kz.

25 myńnan astam adamnyń 15 myńnan kóbi nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy sheńberinde jumysqa ornalasqan. Solardyń 7 myńnan astamy turaqty jumysqa, ózgeleri áleýmettik jumys oryndaryna, jastar praktıkasyna jáne qoǵamdyq jumystarǵa jiberilgen.

Taǵy 1,5 myń adam mıkro nesıe men granttar alyp, kásip bastaǵan. Sondaı-aq múgedektigi bar 2,2 myń adam jumyspen qamtýdyń jol kartasy negizinde jumysqa ornalasypty.

«Múgedektigi bar adamdar úshin jumys oryndaryn kvotalaý qaǵıdalaryna sáıkes 2020 jyly jumys berýshiler múgedektigi bar 6,4 myń adamdy jumysqa qabyldady. Halyqaralyq tájirıbeni eskere otyryp, múgedektigi bar adamdardy jumysqa ornalastyrý úshin arnaıy jumys ornyn jaraqtandyrýǵa baılanysty jumys berýshilerdiń shyǵyndaryn sýbsıdııalaý tártibi engizildi, ol boıynsha ótken jyly kórý, estý jáne tirek-qımyl apparaty buzylǵan adamdar úshin 31 arnaıy jumys orny quryldy» delingen mınıstrlik habarlamasynda.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar