Parlament • 25 Aqpan, 2021

Senatorlar halyqaralyq deńgeıde Qazaqstannyń ulttyq múddesin qorǵaýdy kúsheıtetin zań qabyldady

11 ret kórsetildi

Qazaqstanda eger halyqaralyq sharttardyń ózge qatysýshylary óz mindettemelerin oryndamaǵan jaǵdaıda atalǵan kelisimniń nemese olardyń jekelegen erejeleriniń iske asyrylýyn toqtatý, sondaı-aq, jaýap sharalaryn qabyldaý tártibi zańmen belgilendi. Bul normalar búgin Senat otyrysynda depýtattar qabyldaǵan «Qazaqstan Respýblıkasynyń halyqaralyq sharttary týraly» Qazaqstan Respýblıkasynyń Zańyna ózgerister men tolyqtyrý engizý týraly» zańda jazylǵan, dep habarlaıdy Egemen.kz.

Senat Tóraǵasy aldaǵy ýaqytta bul zań elimizdiń ulttyq múddelerin qorǵaýdy kúsheıtýge óz úlesin qosatynyna senim bildirdi.

«Búgin qabyldanǵan zań halyqaralyq deńgeıde ulttyq múddelerimizdi qorǵaýǵa qosymsha múmkindikter beredi. Budan bylaı, halyqaralyq kelisimniń ekinshi taraby óz mindettemelerin oryndamaǵan nemese tıisinshe oryndamaǵan jaǵdaıda Qazaqstan tarapynan jaýap sharalaryn qabyldaýǵa jol ashylady. Osy maqsatpen qujatta halyqaralyq sharttardyń nemese olardyń jekelegen erejeleriniń oryndalýyn toqtata turý týraly normalar qarastyrylǵan», – dedi Máýlen Áshimbaev.

Sonymen qatar senatorlar «Qazaqstan Respýblıkasy men Koreıa Respýblıkasynyń arasyndaǵy sottalǵan adamdardy berý týraly shartty ratıfıkasııalaý týraly» zańdy qarap, qabyldady. Osy qujatqa sáıkes endi memleketterdiń bir-birine sottalǵandardy berýine múmkindik týady. Ol úshin jasalǵan is-áreket eki elde de qylmys retinde tanylýǵa tıis jáne sottalǵandardy berýge qos memleket te kelisýi qajet. Al sottalǵan azamattyń ózinen keri oralýdy rastaıtyn jazbasha kelisim bolýy kerek. Qazaqstan Respýblıkasynan Shart erejelerin iske asyrýshy ortalyq organ retinde Bas prokýratýra belgilendi.

Sondaı-aq Senat otyrysynda depýtattar «1993 jylǵy 22 qazandaǵy Qazaqstan Respýblıkasy men Mońǵolııa arasyndaǵy azamattyq jáne qylmystyq ister jónindegi ózara kómek týraly Shartqa ózgerister engizý týraly hattamany ratıfıkasııalaý týraly» zańdy da qabyldady. Bul qujatta azamattyq jáne qylmystyq óndiris salasynda quqyqtyq kómek kórsetý boıynsha sot jáne quqyq qorǵaý organdarynyń naqty mindetteri kórsetilgen.

Odan bólek, Palatanyń jalpy otyrysynda birqatar depýtattyq saýal joldandy. Depýtat Murat Baqtııaruly asharshylyq taqyrybyn jan-jaqty zertteý máselesin kóterip, osy baǵyttaǵy jumystardy kúsheıtý qajet ekenin aıtty. Al senator Sultan Dúısembınov agrarlyq sektordy damytýdyń negizgi faktorlarynyń biri sanalatyn aýylsharýashylyq ǵylymyn qoldaý máselesin sóz etti. Senat depýtaty Lázzat Súleımen joǵary bilimdi zańgerler daıarlaýǵa qatysty túıtkilderdi qozǵap, osy saladaǵy problemalardy sheshý joldaryn usyndy. Senator Dana Nurjigit Qazaqstan halqynyń ulttyq qundylyqtaryn dáripteıtin televızııalyq ónimderdi kóbeıtý kerektigin aıtsa, depýtat Dınar Nóketaeva Almatydaǵy mektepterdiń birine Qazaqstannyń eńbek sińirgen muǵalimi, Sosıalıstik Eńbek Eri, bıyl týǵanyna 100 jyl tolyp otyrǵan ǵalym, pedagog Rafıqa Nurtazınanyń esimin berýdi usyndy.

Sońǵy jańalyqtar

Elordada dámhanadan órt shyqty

Elorda • Búgin, 16:21

Aldaǵy apta kún jylynady

Aýa raıy • Búgin, 12:57

Kósh basynda – «Manchester Sıtı»

Fýtbol • Búgin, 12:21

Súıispenshilik sabaǵy

Aımaqtar • Búgin, 12:15

Almatyda aıaldamadan náreste tabyldy

Qoǵam • Búgin, 11:34

It asyraýdyń da óz erejesi bar

Qoǵam • Búgin, 11:00

Elordada kún jylyna bastaıdy

Aımaqtar • Búgin, 10:57

Túrmege kitap syılady

Aımaqtar • Búgin, 10:10

Jetisý dıqandary jer ıgerip jatyr

Aımaqtar • Búgin, 10:07

Qostanaıda aýa sapasy nasharlaıdy

Aýa raıy • Búgin, 09:05

Jaqsynyń aty ólmeıdi...

Rýhanııat • Búgin, 08:31

Otandyq vaksınany qoldaný josparda bar

Medısına • Búgin, 08:20

Teńdik túbi – birlik

Elbasy • Búgin, 08:03

Aıaq kıimdi sıfrly tańbalaý engiziledi

Tehnologııa • Búgin, 07:49

Jeke kýáliktiń qajeti bolmaıdy

Saıasat • Búgin, 07:47

Kólik quralynyń elektrondy pasporty

Tehnologııa • Búgin, 07:45

Taldynyń mańyn tazartty

Rýhanııat • Búgin, 07:38

Jol ústindegi muztaý

Oqıǵa • Búgin, 07:34

Taldyqudyq neden taryqty?

Aımaqtar • Búgin, 07:33

Qaı eldiń sardarlaryn daıarlap júrmiz?

Aımaqtar • Búgin, 07:30

Qubyrdaǵy sýdyń sapasy qandaı?

Qoǵam • Búgin, 07:28

Uqsas jańalyqtar