Aımaqtar • 25 Aqpan, 2021

Pavlodar oblysynda bilim berý salasyndaǵy biraz bylyqtyń beti ashyldy

58 ret kórsetildi

Bul týraly Pavlodar oblysynyń bilim salasynda sapany qamtamasyz etý departamentiniń basshysy Erkimbek Aıazbaev málim etti, dep habarlaıdy Egemen.kz Pavlodarnews.kz saıtyna silteme jasap.

- Departamentimiz 2020 jyly 62 memlekettik tekserý júrgizdi. 2020 jyly departamentke zańdy jáne jeke tulǵalardan 19 ótinish kelip tústi. Onyń jeteýi quzyreti boıynsha basqa memlekettik organdarǵa joldandy, 12-si boıynsha ótinish berýshilerge jaýap berildi, - dedi Erkimbek Aıazbaev.

Spıkerdiń aıtýynsha, túsken shaǵymdar boıynsha ótken jyly balasynyń sabaqqa qatysýyn qamtamasyz etpegen bir ata-anaǵa shara qoldanylǵan. Sondaı-aq Aqsýda «Pedagog mártebesi týraly» zańdy buzǵan dırektorǵa shara qoldanylǵan. Ol birneshe pedagogty mindetterine jatpaıtyn mektep aýlasyn abattandyrý jumysyna tartqan. Mektep dırektoryna ákimshilik kodeks boıynsha eskertý berilgen.

Sonymen qatar, departament basshysy Ekibastuzdaǵy qyzmetkerlerine qyryndaǵan mektep dırektoryna qatysty is týraly aıtty.

- Ekibastuzdaǵy dırektorǵa qatysty ákimshilk is qozǵaldy. Ákimshilik kodekstiń 409-baby boıynsha barlyq jaýap alyndy. Bizdiń tarapymyzdan dırektorǵa 30 aılyq eseptik kórsetkish mólsherinde aıyppul salyndy, - dedi Erkimbek Aıazbaev.

Sondaı-aq ótken jyly oblystya ulttyq biliktilik testileýine bilim berý uıymdarynyń 6621 pedagog qyzmetkeri qatysqan. Onyń ishinde 95-i tyıym salynǵan zattardy paıdalanǵany úshin shyǵaryldy.

Departament basshysy 2020 jyldyń maýsym aıyndaǵy Ulttyq biryńǵaı testileýge 2020 jyldyń 4855 túlegi, ótken jyldar men TjKB túlekteri ótinish berip, testileýge 4395 adam kelgenin atap ótti.

- Qatysý deńgeıi 90,5 paıyzdy qurady. UBT kezinde kireberiste tyıym salynǵan zattarmen ustalǵan 43 adamǵa kirýge ruqsat berilgen joq. Testileý kezinde talapkerler tyıym salynǵan zattardy qoldandy, mınıstrlik ókilderi tyıym salynǵan 55 zatty tárkiledi, - dedi Erkimbek Aıazbaev.

Departament mektepter men tehnıkalyq jáne kásiptik bilim berý uıymdarynan lısenzııalar men olarǵa qosymshalar alýǵa 549 ótinishti qarady. Onyń ishinde 300 (54,6%) – lısenzııalar men lısenzııalarǵa qosymshalar berildi, 162 (29,5%) – qaıtaryp alyndy, 87 (15,8%) – bas tartyldy. Bas tartýdyń negizgi sebebi – ótinish berýshilerdiń biliktilik talaptaryna sáıkes kelmeýi.

Foto: ashyq derekkózderden

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar