Qoǵam • 25 Aqpan, 2021

Almatyda myńnan astam áıel saqtandyrý esebinen EKO jasata alady

50 ret kórsetildi

Qazaqstanda ekstrakorporaldy uryqtandyrý prosedýrasynyń qoljetimdiligi artty. Buryn tegin medısınalyq kómek sheńberinde ǵana jasalatyn joǵary tehnologııalyq qyzmettiń bul túri 2020 jyldan bastap medısınalyq saqtandyrý paketine engen bolatyn, dep habarlaıdy Egemen.kz.

«Áleýmettik medısınalyq saqtandyrý qory» KEAQ Almaty qalalyq fılıal basshysy Tileýhan Ábildaevtyń aıtýynsha, ekstrakorporaldy uryqtandyrý baǵdarlamasy 2010 jyldan bastap memlekettik tapsyrys boıynsha júzege asyrylyp keldi. Bıyl elimiz boıynsha 7000 jýyq úmitker «Ańsaǵan sábı» arnaıy prezıdenttik baǵdarlamasy sheńberinde EKO jasatyp, ata-ana baqytyn sezinýge múmkindik almaq.

«Máselen, 2020 jyly Almaty qalasynda 643 EKO jasalǵan. Oǵan 563 mln teńge bólindi. Bıyl 1238 manıpýlıasııa josparlanǵan. Oǵan qarastyrylǵan soma 2 ese artyp, 1,1 mlrd teńgeni qurap otyr», - dedi fılıal dırektory.

Bıyl ońtústik astanada atalmysh baǵdarlamaǵa 7 medısına uıymy qatysyp jatyr. Olardyń bári de Medısınalyq saqtandyrý qorymen kelisimshart bekitken:

  • «Private clinic» JShS
  • «Akýsherlik, gınekologııa jáne perınatologııa ǵylymı ortalyǵy» AQ
  • «PERSONA» JShS
  • «Ekomed» fırmasy» JShS
  • «Reprodýktıvtik medısına ınstıtýty» JShS
  • «Klınıka AMD» JShS
  • «Nuraı» EKO KLINIK JShS

 

EKO baǵdarlamasyna qatysý úshin tirkelgen emhanaǵa baryp arnaıy esepke turý qajet. Tıisti kórsetilimder bolǵan jaǵdaıda dárigerler kvotaǵa kezekke qoıady. Kvota jergilikti Qoǵamdyq densaýlyq basqarmasyndaǵy arnaıy komıssııa sheshimimen beriledi.

Esterińizge sala ketsek, qosalqy reprodýktıvtik ádisterdi paıdalaný prosesi QR DSM 2020 jyly 15-jeltoqsandaǵy buıryǵy negizinde júzege asyrylady. Buıryqta jasandy uryqtandyrýǵa qoıylatyn talaptar tolyq jazylǵan. Máselen, EKO baǵdarlamasyna kvota boıynsha jasy 18 ben 42 aralyǵyndaǵy, somatıkalyq, endokrındik densaýlyǵy birqalypty áıelder qatysa alady. Antımıýller gormony kórsetkishi (AMG) 1,0 nanogramm/mıllılıtrden joǵary, follıkýlostımýlıasııalyq gormon (FSG) kórsetkishi – 12-den tómen, al, follıkýldardyń jalpy sany – altaýdan kem bolmaýy tıis.

Ekstrakorporaldy uryqtandyrý ádisi – dúnıejúzinde beleń alyp jatqan bedeýlik problemasyna qarsy kúrestiń eń tıimdi tásilderiniń biri. Álem elderi bul ádisti paıdalanyp kele jatqanyna 40 jyldan asqan, al Qazaqstanda atalǵan prosedýra 1996 jyly qoldanysqa endi. Qazirgi tańda respýblıka boıynsha 22 myńnan astam sábı osy baǵdarlama negizinde dúnıe esigin ashqan.

Jalpy, Qazaqstanda bedeýlik dıagnozymen esepte turǵan áıelder sany 11 myńnan asyp jyǵylady.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar