Oqıǵa • 25 Aqpan, 2021

Týrın Olımpıadasyna – 15 jyl

8 ret kórsetildi

Osydan dál 15 jyl buryn, anyqtap aıtsaq 2006 jyldyń 26 aqpanynda Italııanyń eń kórikti qalalarynyń biri – Týrınde HH qysqy Olımpıada oıyndarynyń alaýy sóngen edi, dep habarlaıdy Egemen.kz

Apennın túbeginde ótken ǵalamdyq dodada 80 memleketten kelgen 2663 úmitker kúsh synasyp, sporttyń 15 túri boıynsha 84 júlde jıyntyǵyn sarapqa saldy. Jarystyń jalpy komandalyq esebinde Germanııa quramasy aldyna jan salmady. Nemister 29 (11 altyn+12 kúmis+6 qola) júldeni qorjynǵa saldy. Ekinshi jáne úshinshi oryndardy AQSh (9+9+7) pen Aýstrııa (9+7+7) ıelendi. Sondaı-aq, Reseı (8+6+8) men Kanada (7+10+7) úzdik bestiktiń sanatynan kórindi. Aıtýly básekede barlyǵy 18 eldiń ánurany shyrqalyp, 26 memlekettiń týy kókte jelbiredi.

Jekelegen sportshylar arasynan Ońtústik Koreıanyń short-trek sheberleri – An Hen Sý men Chın Sýn Iý jáne nemis shańǵyshysy Mıhael Graısty bóle-jara atap ótýge bolady. Olardyń árqaısysy úsh altynnan oljalady.

Týrın Olımpıadasyna Qazaqstannyń 67 óreni attanyp, sporttyń jeti túri boıynsha óner kórsetti. О́kinishke qaraı, olardyń eshqaısysy jeńis tuǵyryna kóterile alǵan joq. Jerlesterimizdiń arasynan eń úzdik kórsetkishke Nıkolaı Chebotko men Evgenıı Koshevoı syndy shańǵyshylar qol jetkizdi. Erlerdiń komandalyq sprıntinde aıtýly jup altynshy orynǵa taban tiredi.   

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar