Muǵalimder biliktiligin kóterýge ǵylymı turǵydan qaraýymyz qajet
Mine, bir jyl boıy pedagogıkalyq kadrlardyń biliktiligin arttyrý júıesi jańa formatta jumys jasap keledi. Prezıdent Nursultan Nazarbaevtyń tapsyrmasy boıynsha júrgizilgen bilim berý júıesin jańartý úrdisi pedagogıkalyq kadrlardyń biliktiligin arttyrýdyń ınnovasııalyq modelin – «О́rleý» biliktilikti arttyrý ulttyq ortalyǵy» aksıonerlik qoǵamyn qurýǵa múmkindik berdi.
Muǵalimder biliktiligin kóterýge ǵylymı turǵydan qaraýymyz qajet
Mine, bir jyl boıy pedagogıkalyq kadrlardyń biliktiligin arttyrý júıesi jańa formatta jumys jasap keledi. Prezıdent Nursultan Nazarbaevtyń tapsyrmasy boıynsha júrgizilgen bilim berý júıesin jańartý úrdisi pedagogıkalyq kadrlardyń biliktiligin arttyrýdyń ınnovasııalyq modelin – «О́rleý» biliktilikti arttyrý ulttyq ortalyǵy» aksıonerlik qoǵamyn qurýǵa múmkindik berdi.
Qazirde kadrlyq quramdy jáne onyń áleýetin damytý úshin barlyq jaǵdaı jasalýda. Biliktilikti arttyrý júıesine ǵylymı turǵydan kelmeı, tıimdi nátıjege qol jetpeıtini belgili bolyp otyr. О́ıtkeni, bilim berý salasynda júrgizilip jatqan reformalar jańa formasııaly muǵalimdi daıarlaýdy qajet etedi. Saladaǵy ǵalymdar men tájirıbeli mamandar jumysynyń úılesimdiligi, sonymen birge, barlyq oblystyq biliktilikti arttyrý ınstıtýttaryn bir qurylymǵa biriktirý osy mindettiń eń durys sheshimi retinde tanylady.
«О́rleý» biliktilikti arttyrý ulttyq ortalyǵynyń Qostanaı oblystyq fılıaly – pedagogıkalyq qyzmetkerlerdiń biliktiligin arttyrý ınstıtýtynyń materıaldyq-tehnıkalyq bazasy zaman talabyna tolyq saı keledi. Onda 5 kompıýterlik synyp bar, onyń bireýi planshetpen jabdyqtalǵan, bilimin arttyrý úshin kelgen muǵalimderdiń izdenýine óte qolaıly. Bizde oqytýshylar quramynyń áleýeti de joǵary, olardyń arasynda ǵylym kandıdattary bar. Qatarymyzǵa jańasha oılaıtyn tegeýrindi jastardyń qosylýy da senimdilikti arttyra túsedi. Biraq osy materıaldyq baza men professorlar quramynyń áleýeti, olardyń bilimi men tájirıbesi tolyq qýatynda paıdalanylyp otyrylǵan joq. Oǵan osy saladaǵy memlekettik tapsyrystyń azaıýy men shynaıy emes báseke basty sebep bolyp otyr. Materıaldyq-tehnıkalyq bazasy syn kótermeıtin, ony jasaıtyn ǵımaraty joq mekeme men materıaldyq bazasy myqty, tájirıbesi men bilimi joǵary deńgeıdegi oqytýshylar quramy bar ınstıtýtty salystyrýǵa bola ma? Bilim berý salasyndaǵy báseke shynaıy bolsa ıgi.
Osy jyly fılıal oqytýshylarynyń 200-den artyq ǵylymı maqalasy jaryq kórip, 55 ádistemelik qural, usynymdar men baǵdarlamalary basyp shyǵaryldy, sonyń ishinde: «Tehnıkalyq jáne kásiptik bilim berý uıymdarynda dýaldi bilim berý júıesin engizý» ádistemelik usynymdary, «Pedagogtyń kásibı damýyn psıhologııalyq qoldaý», «Zerek bala» mektepke deıingi tárbıe berý jáne oqytý baǵdarlamasy, taǵy basqa da kóptegen respýblıkalyq, óńirlik jáne oblystyq deńgeıdegi is-sharalar joǵary ǵylymı-ádistemelik dárejede ótkizildi. Ýaqyt talabyna sáıkes merzimdi baspa ónimderiniń sanyn arttyrý qajettiligi týyndady. Qazir bizdiń kadrlyq jáne resýrstyq áleýetimiz «Bilim-ınfo» aqparattyq-ádistemelik jýrnalyn, «Vestnık О́rleý – kst» ǵylymı-ádistemelik jýrnalyn, «О́rleý – Qostanaı daýysy» gazetin, «Trener – education» respýblıkalyq aqparattyq-ádistemelik jýrnalyn shyǵarýǵa múmkindik beredi.
Muǵalimderdiń biliktiligi olardy daıyndaıtyn oqytýshy-professorlar quramynyń jumysyna tikeleı baılanysty. Sondyqtan, aldymen ınstıtýtta jańa formatty oqytýshy-trenerlerdi daıyndaý ortalyqtaryn ashýǵa tıispiz. Respýblıkalyq, halyqaralyq deńgeıdegi konferensııalar men semınarlarǵa qatysý jańa izdenisterge bastaıdy. Bilim salasynda úırenetin úzdik tájirıbesi bar Soltústik Koreıa, Ulybrıtanııa, Fransııa, Avstralııada biliktilikti arttyrý bizge sheteldik tájirıbeniń jetistikterin zertteý men qazirgi jaǵdaıǵa beıimdeýge, sol arqyly biliktilikti arttyrýdyń ınnovasııalyq modelin jasaýǵa kómektesedi. Árıne, syrttan úırený uzaq jyldar qalyptasqan otandyq tájirıbeni keri ıterý degen sóz emes, qaıta ony sheteldik ozyq ádistemelermen damyta, jańǵyrta túsýimiz qajet.
Búgingi tańda «О́rleý» biliktilikti arttyrý ulttyq ortalyǵy» aksıonerlik qoǵamy – mobıldi, bolyp jatqan ózgeristerge tez jáne ýaqtyly ıkemdele biletin, pedagogıkalyq kadrlardyń biliktiligin arttyrýdy joǵary ǵylymı-ádistemelik deńgeıde ótkizýdi qamtamasyz etetin qurylym.
Marıonella SLESAR,
«О́rleý» biliktilikti arttyrý ulttyq ortalyǵynyń
Qostanaı oblystyq fılıalynyń dırektory.
