Osy oraıda Mańǵystaý oblysynyń sybaılas jemqorlyqqa qarsy is-qımyl departamenti qoldaýymen Sh.Esenov atyndaǵy Kaspıı tehnologııalar jáne ınjınırıng ýnıversıtetiniń bastamasymen jastardyń arasynda jemqorlyqqa qarsy mádenıetti qalyptastyrý maqsatynda "AntiParaCraft-2021" kvest-oıynynyń saltanatty ashylýy ótti. Bastaý alyp otyrǵan «AntiParaCraft-2021» stýdenttik kvestiniń alǵashqy kezeńi bilim ordasyndaǵy fakýltetter arasynda irikteý boıynsha eń úzdik bes komanda qurylyp birinshi týrǵa shyqty. Birinshi týr barysynda komandalar urandarymen tanystyryp sharaǵa qatysý barysyndaǵy alǵa qoıǵan maqsattaryn qorǵady.
«AntiParaCraft-2021» stýdenttik kvest oıynynyń qazirgi tańda ózektiligine baılanysty bilim ordasynyń dosenti S.K.Alıbekov jastardyń boıynda sybaılas jemqorlyqqa qarsy mádenıet qalyptasýy úshin bilim alýshylar sybaılas jemqorlyqty eldiń damýyn tejeıtin asa qaýipti qoǵamdyq dert dep tanýy tıis degen pikir bildirdi. Dosent B.T.Aýeshova qazirgi tańda jastardyń boıyna parasattylyqty qalyptastyrý jáne joǵary oqý oryndarynda adaldyq, ádildik, adamgershilik, senimdilik jáne basqa da izgilikterdi darytý baǵyty boıynsha tamasha bastama degen pikir bildirdi.
Osy oraıda sóz alǵandar damyǵan el qataryna enýde sybaılas jemqorlyq quqyqbuzýshylyqtarynyń deńgeıin tómendetý negizgi mindet ekenin jáne oǵan ár adamnyń úlesi bolýy kerektigin jetkizdi.
Sharanyń sońynda kvest oıyn ótkizýdiń shart talaptarymen komandalar tanystyryldy jáne ekinshi týrǵa tapsyrmalary tabystaldy.
Sybaılas jemqorlyqqa qarsy kvest tórt kezeńde ótedi. Stýdentter oıyn túrinde prank-arandatýshylyqty boljaıdy, sandyq tehnologııalardy qoldana otyryp, krımınalıstıkalyq, ıntelektýaldy jáne shyǵarmashylyq esepterdi sheshedi, beınevaındar jasaıdy. Bul joba biregeı bolyp tabylady jáne jastardy sybaılas jemqorlyqqa qarsy kúresýge baǵyttalǵan. Bul sharanyń basty ereksheligi stýdentter arasynda krıtıkalyq oılaý sheberligin damytý, óz oıyn aıqyn jetildire bilýleri baǵalanady.
Sonymen bilim berý ordasynyń jastaryna adaldyq, ádildik, ádeptilik, jaýapkershilik, ar-namys sııaqty qundylyqtardy qoǵamda nasıhattaý sybaılas jemqorlyqqa qarsy qyzmettiń basym mindetteriniń biri bolyp tabylady deýge bolady.
