Bul týraly ShQO ákimi Danıal Ahmetov halyqqa esep berý barysynda aıtty. Bilim berý salasynda oqýshylardy qashyqtan oqytýdy uıymdastyrý úshin 2020 jyly 34 myń birlik kompıýter satyp alynǵan. Oqýshylardyń jalpy kontıngentiniń 90%-dan astamy ınternet jelisine qosylǵan, balalardyń 6%-y roýterlermen qamtamasyz etilgen.
«О́tken jyly úsh aýysymdy mektepter máselesi sheshildi. Abaı aýdanynyń Qaraýyl aýylynda Nazarbaev Zııatkerlik mektepteriniń standarttary boıynsha jabdyqtalǵan 300 oryndyq, Ahmer aýylynda 1000 oryndyq, Tarbaǵataı aýdanynyń Aqjar aýylynda 300 oryndyq ınternaty bar 600 oryndyq 3 jańa mektep ashyldy», dedi aımaq basshysy.
Onyń aıtýynsha, ótken jyly bilim berý nysandaryn jóndeýge 11 mlrd teńge baǵyttalǵan. Bul ótken jylmen salystyrǵanda 5 ese kóp. Jańa oqý jylyna qaraı árbir ekinshi mektep jóndeldi. Oblystyń 320 mektebinde, 49 balabaqshada jáne 5 kolledjde jóndeý jumystary júrgizildi.
«Qazir Rıdderde 600 oryndyq, Semeı qalasynyń Shyǵys kentinde 1200 oryndyq jáne Semeıdegi Stepnoı kentinde 300 oryndyq 3 mekteptiń qurylysy júrgizilýde», dedi Danıal Ahmetov.
