Qoǵam • 26 Aqpan, 2021

Qaraǵandy oblysynda qulaǵy úsigen er adam aýrýhanaǵa tústi

635 ret kórsetildi

Qaraǵandy oblysynda bolǵan boranda avtokóligi jolda buzylyp qalyp, sony jóndeımin dep júrip qulaǵyn úsitip alǵan er adamnyń hıkaıasy kesheden beri áleýmettik jelilerde keńinen taralǵan bolatyn. Búgin atalǵan azamat Qaraǵandydaǵy professor H.Maqajanov atyndaǵy oblystyq klınıkaǵa jatqyzyldy, dep habarlaıdy Egemen.kz.

Bul týraly medısınalyq mekemeniń basshysy Erkin-Dáýir Qurmanǵalıev tikeleı efırge shyǵyp, habarlady. Klınıka dırektorynyń aıtýynsha, qazirgi ýaqytta dárigerler pasıenttiń úsip ketken qulaqtaryn qalpyna keltirýmen aınalysyp jatyr eken.

– Kóptegen adamdar habarlasyp, qulaǵyn úsitken jerlesimizdiń hal-jaǵdaıyn surastyrýda. Biz ol adamdy keshe izdestirip taptyq. Búgin aýrýhanaǵa jatqyzdyq. Qulaqty qalpyna keltirýge bola ma? Negizinen qulaq degen qanmen jetkilikti mólsherde qamtamasyz etiletin organ. Sondyqtan jaǵdaıdy baqylaıtyn bolamyz jáne ári qaraı emdeımiz, árıne. Pasıenttiń ómirine tóngen qandaı da bir qaýipti kórip turǵan joqpyn, – dep málimdedi E. Qurmanǵalıev.

Keshegi bolǵan surapyl boranda Qaraǵandy oblystyq TJ departamentiniń qutqarýshylary, №52859 áskerı bólimniń sarbazdary jáne apat medısınasy ortalyǵynyń qyzmetkerleri jolda qalǵan 79 adamdy qar qursaýynan qutqardy. Qutqarylǵandardyń arasynda jeti bala bar.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar