Qoǵam • 26 Aqpan, 2021

Nur-Sultanda jastardy jumyspen qamtýǵa arnalǵan memorandým jasaldy

222 ret kórsetildi

«Qazaqstan Respýblıkasynyń jastardy qoldaý jónindegi 2021-2025 jyldarǵa arnalǵan keshendi josparyn» iske asyrý aıasynda «Nur-Sultan qalasynyń Jastar saıasaty máseleleri basqarmasy» MM «Astana jastary» jastar resýrstyq ortalyǵy men  Nur-Sultan qalasynyń uıymdary seriktestik týraly memorandýmǵa qol qoıdy. Bul týraly Egemen.kz qala ákimdiginiń resmı saıtyna silteme jasap habarlaıdy.

Naqtyraq aıtqanda, «Sesna-Astyq» Konserni» JShS, «Medıker Astana» JShS, «SaNa-K-education» bilim berý ortalyǵy, «Samuryq-Qazyna» AQ, «Samruk Qyzmet» biryńǵaı rekrýtıng onlaın platformasy, «Astana ormany» JShS, «Nurbank» AQ, AF «Qazposhta» AQ «Astana poshtamty» «Magnum Cash & Carry» JShS, «Qarjy ortalyǵy» AQ sııaqty kompanııalarmen jumysqa ornalastyrý salasynda birqatar kelisimshart jasaldy.

Memorandýmdarǵa qol qoıýdyń negizgi maqsaty - jumysqa ornalastyrý salasynda áriptestik qatynastar ornatý, tájirıbe almasý, 18-29 jas aralyǵyndaǵy jastardy damytý jáne qoldaý.

Is-shara Nur-Sultan qalasynyń Jastar saıasaty máseleleri basqarmasynyń basshysynyń alǵy sózimen bastaldy.

«Biz 2016 jyly Job_Astana_jastary ınsta paraqshasyn júrgizýdi qolǵa alǵanbyz. Sol kezden bastap 300-ge jýyq kompanııamen memorandýmǵa qol qoıylyp, qazirgi tańda deıin 3000-ǵa jýyq jasty jumysqa ornalastyrdyq. Mine búgin taǵy da birneshe kompanııamen memorandým jandandyrmaqpyz», – dedi Qaırat Qambarov.

Onyń aıtýynsha, Jastar saıasatynyń basty maqsaty - jastardy jumysqa ornalastyrý. Al  memorandýmǵa qol qoıǵan kompanııalar olarǵa bos jumys oryndaryn usynady.

Memorandýmǵa qol qoıǵan kompanııalar arasynan «Samruk Qyzmet» jobasynyń sarapshysy jastardy jumysqa tartý arqyly bilikti maman ıeleri shyǵatynyna senimdilik bildirdi.

«Korporatıvtik ýnıversıtet daryndy jastardy «Samuryq-Qazyna» ulttyq ál-aýqat qory» kompanııalar tobyna tartýǵa múddeli.  Qordyń atynan ókildik etip otyrǵandyqtan bos jumys oryndaryna ornalastyrý jáne Qazaqstan boıynsha talanttardy izdeý arqyly bilikti mamandar, stýdentter men áleýetti jastardyń bizben birge jumys istegenin qalaımyz», – dedi «Samruk Qyzmet» jobasynyń sarapshysy Elmıra Salımova.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar