Aımaqtar • 26 Aqpan, 2021

Jandarbek Bekshın almatylyqtarǵa úndeý joldady

132 ret kórsetildi

Almaty qalasynyń bas sanıtarııalyq dárigeri Jandarbek Bekshın naýryz meıramdary qarsańynda megapolıs turǵyndaryna karantın talaptaryn jalǵastyrýdy surady, dep habarlaıdy Egemen.kz

Karantın talaptaryn buzý koronavırýstiń órshýine ulasyp, jańa tolqynyn ákelýi múmkin.Onyń ústine Almaty qazirdiń ózinde «jasyl» men «sary» aımaqtardyń shekarasynda tur.

Jandarbek Bekshın Almaty qalasynyń koronavırýstyq ınfeksııasy boıynsha epıdemııalyq jaǵdaıdyń shıelenisip turǵandyǵyn habarlady.

Jyl basynan beri koronavırýstyq ınfeksııasyn juqtyrýdyń 6252 jaǵdaıy, al keshe 25-shi aqpanda 110 jaǵdaı tirkeldi.

– Bul rette Almatyda R koeffısıenti (juqtyrýdyń reprezentatıvtiligi) – 100 myń turǵynǵa shaqqanda birinshi jáne sońǵy 7 kúndegi syrqattanýshylyq kórsetkishi - 38 jaǵdaıdy kórsetip tur, bul sary shekaradaǵy epıdemııalyq jaǵdaıdy baǵalaý matrısasynyń jasyl aımaǵyna sáıkes keledi, – dep atap ótti J.Bekshın.

Sonymen qatar Almatynyń bas sanıtarııalyq dárigeri almatylyqtadyń sanıtarııalyq-epıdemııalyq talaptardy elemeı, adamdar kóp jınalatyn oryndaryna barsa, bul kórsetkish ózgerýi múmkin ekenin aıtty. Mysaly, sońǵy kúnderi Shymbulaq pen Medeýde qalalyqtardyń shoǵyrlanyp jınalǵanyn jıi kórýge bolady.

Almatylyqtarǵa ásirese demalys jáne mereke kúnderi saıabaqtarǵa jáne alańdarǵa, saýda oıyn-saýyq ortalyqtarynda qatysty ekenin nazarǵa alǵan jón. Mundaı jerlerde ınfeksııanyń sımptomsyz formalary bar naýqastar bolýy múmkin.

Jandarbek Bekshın Almatyda koronavırýs juqtyrý jaǵdaılarynyń 43% - dan astamy dál osy qoǵamdyq oryndarda bolǵanyn qosty. Kóktemgi merekelerdi toılaý indettiń beleń alýyna jol ashpaýy tıis.

Sońǵy jańalyqtar

Uqsas jańalyqtar