Tártip saqshylary Qyzylorda qalasynda karantındik sharalardyń saqtalýyn qamtamasyz etý maqsatynda arnaıy qala ákimimen bekitilgen monıtorıngtik top quramynda reıdtik tekserýler júrgizýde. Reıdter barysynda qala ortalyǵyndaǵy birneshe oıyn-saýyq oryndarynda karantındik shekteýlerdiń saqtalmaǵandyǵy anyqtalyp, olar boıynsha jınqtalǵan materıaldar kásipkerlik nysan ıelerine tıisti shara qoldaný úshin Úılestirý ortalyǵyna joldandy.
Mysaly, karantındik talaptardy buza otyryp, túngi saǵat 23:20 shamasynda jumys istep turǵan “Alen” túngi klýbyna barǵan tártip saqshylaryna klýb ákimshisi men kúzetshileri esik ashpaǵan. Monıtorıngtik top músheleri klýb ıesine qońyraý shalyp, oqıǵa ornyna dereý jetýin suraǵan.
Qazirgi tańda atalǵan klýbtyń ıesine, ákimshisi men kúzetshisine qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 443-babynyń 1-bóligimen (Qoǵamdyq tártipti qamtamasyz etýge qatysatyn adamnyń zańdy talabyna baǵynbaý) hattamalar toltyrylyp, aıyppuldar salyndy. Karantın talaptaryn buzý deregi boıynsha materıal shara qoldaný úshin múddeli organǵa joldandy.
