Aımaqtar • 26 Aqpan, 2021

ShQO-da alty mekeme qarý saqtaý tártibin buzǵan

45 ret kórsetildi

Shyǵys Qazaqstan oblysynda 22 aqpannan bastap «Qyzmettik qarý» respýblıkalyq jedel aldyn alý is-sharasy júrgizilip jatyr.

Oblys kóleminde saqtalǵan qarý men olardyń oqtaryn tekserý úshin 26 top quryldy. Olar qyzmettik qarý qoldanatyn kúzet agenttikterin, ınkassasııa qyzmetin, feldegerlik baılanys jáne «Qazposhta» qyzmetin tekseredi.
Arnaıy mamandar olarǵa bekitilgen qyzmettik qarý men oqtaryn saqtaý jóninde túsindirý jumystaryn da júrgizdi.
– Tórt kún ishinde tártip saqshylarymen 170-ten astam obektiler tekserdi. Qyzmettik qarý men onyń patrondaryn túgendeý kezinde olardyń jetispeýi men artyq qalý faktileri anyqtalǵan joq. Al qarý saqtaý tártibin buzǵany úshin 6 ákimshilik hattama toltyryldy, – dedi oblystyq Polısııa departamentiniń bastyǵy Saǵat Mádıev.
Aıta ketsek, jeke uıymnyń kúzetshisi kezekshilik kezinde qyzmettik tapanshany ústeldiń astyna qoıyp qoıǵany úshin ákimshilik hattama toltyrylyp, 29myń 170 teńge aıyppuly salyndy. «Qyzmettik qarý» jedel aldyn alý is-sharasy 5 naýryzǵa deıin jalǵasady.

Shyǵys Qazaqstan oblysy

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar