Aımaqtar • 26 Aqpan, 2021

Korablderdi kúzetý men qorǵaý boıynsha oqý-jattyǵý ótti

11 ret kórsetildi

Aqtaý garnızonynda korablderdi ornalastyrý pýnktiniń sý astyndaǵy dıversııaǵa qarsy qorǵanysy men qorǵalmaǵan reıd máseleleri boıynsha úsh kezeńdik oqý-jattyǵý ótkizildi.

Oqý-jattyǵýdyń jospary boıynsha shartty qarsylastyń sý astyndaǵy dıversııalyq toptarynan kemelerdiń sý aılaǵynda jasalatyn dıversııasy týraly aqparat jetti.

Jańartylǵan «Sergek» katerindegi kezekshi kúshter ornalasqan pýnktegi aılaqtyń jaǵdaıdyn zerttedi. Mınalardy baǵytyn baqylaý úshin izdeý júrgizildi. Shartty dıversanttardy joıý maqsatynda teńizshiler ártúrli qozǵalys baǵytynda granata laqtyrýdy oryndady.

11

Áskerı súńgýirler korabl korpýsynyń sý asty bóliginde, onyń astyndaǵy topyraqta jarylǵysh qurylǵylar men zaqymdanýlardyń bar-joǵyn qarap shyqty. «Alataý» mına-tartqysh korabliniń jeke quramy tótenshe jaǵdaılarda korabldiń ómirsheńdigi úshin kúres jónindegi is-qımyldardy pysyqtady.

Jattyǵýdyń sońǵy kezeńinde kemeler syrtqy reıdke shyqty. Olar ekıpajdardyń jáne sýdaǵy dıversııaǵa qarsy qorǵanysty uıymdastyrý boıynsha ózara áreket jasaıtyn kúshterdiń praktıkalyq is-qımylyn oryndady.

Oqý-jattyǵý kemelerdi turaqty ornalasqan jerde de, teńizde de kúzetý men qorǵaýdy qamtamasyz etýge daıyndyǵyn kórsetti.

Sońǵy jańalyqtar

Uqsas jańalyqtar