Prezıdent • 26 Aqpan, 2021

Qasym-Jomart Toqaev Reformalar jónindegi joǵary keńestiń kezekti otyrysyn ótkizdi

2543 ret kórsetildi

«Astana» halyqaralyq qarjy ortalyǵynyń ǵımaratynda Memleket basshysynyń tóraǵalyǵymen Reformalar jónindegi joǵary keńestiń tórtinshi otyrysy ótti.

Ashyq talqylaý formatynda ótken jıyn barysynda Premer-Mınıstrdiń orynbasary – Syrtqy ister mınıstri Muhtar Tileýberdi Sheteldik ınvestorlar keńesin jańǵyrtý jumystarynyń qorytyndylary men ınvestısııa tartý jónindegi júıeli sharalar týraly baıandady. Premer-Mınıstrdiń orynbasary Roman Sklıar shetel ınvestorlary úshin munaı-gaz salasynyń básekege qabilettiligi men ınvestısııalyq tartymdylyǵyn arttyrý jónindegi júıeli sharalar jaıynda baıandama jasady. Qazaqstan Prezıdentiniń shtattan tys keńesshisi Ser Sýma Chakrabartı ekonomıkalyq ósim modeli jáne makroekonomıkalyq turaqtylyqqa qol jetkizýge baǵyttalǵan reformalar týraly oı-pikirin ortaǵa saldy. Strategııalyq josparlaý jáne reformalar agenttiginiń tóraǵasy Qaırat Kelimbetov óz baıandamasynda BigData júıesin qoldana otyryp, ulttyq statıstıkany qalyptastyrý úderisiniń reınjınırıng tujyrymdamasymen tanystyrdy. Premer-Mınıstrdiń birinshi orynbasary Álıhan Smaıylov kásipkerlik sýbektilerdi qoldaý jónindegi jedel sharalardyń jańa toptamasynyń ázirlenýi jaıynda málimet berdi.

Sonymen qatar onlaın baılanysqa shyqqan Djordj Vashıngton ýnıversıtetiniń professory, «Growth Dialogue» kompanııasynyń basqarýshy dırektory Dennı Leıpsıger, Jahandyq damý ortalyǵynyń prezıdenti Masýd Ahmed, «MIT Sloan» menedjment mektebiniń professory Atanasıos Orfanıdıs Qazaqstannyń ekonomıkalyq damýyna qatysty ózderiniń oı-pikirlerin ortaǵa saldy.

Jıynǵa qatysýshylardyń baıandamasyn tyńdaǵan Memleket basshysy kún tártibindegi máselelerge jáne reformalar strategııasyn odan ári damytýdyń perspektıvalaryna  egjeı-tegjeıli toqtaldy.

Jıyn barysynda jasalǵan árbir baıandama boıynsha qyzý pikirtalas boldy. Otyrys qorytyndysy boıynsha Qasym-Jomart Toqaev jalpy usynylǵan bastamalardy qoldap, olardy júzege asyrý jóninde naqty tapsyrmalar berdi.

Sońǵy jańalyqtar

Uqsas jańalyqtar