Aımaqtar • 26 Aqpan, 2021

Almaty oblysynda áıelder kolonııasyna tyıym salynǵan zattar jetkizilgen

75 ret kórsetildi

Almaty oblysyndaǵy áıelder kolonııasyna telefonǵa toly aıaq kıim ótkizbek bolǵan azamat ustaldy.

Almaty oblysy boıynsha QAJD LA-155/4 mekemesine tabanyna bes uıaly telefon, bes sım-karta jáne alty qýattaý qurylǵysy tyǵylǵan báteńke jetkizilgen.

Mekeme qyzmetkerleriniń qyraǵylyǵynyń arqasynda sálemdemeni jetkizgen azamattyń sottalǵandarǵa paıdalanýǵa tyıym salynǵan zattardy ótkizýine jol berilmeı, atalǵan zattar tabylyp, tárkilendi.

– Atalǵan fakt boıynsha QR ÁQBtK-niń 481-babynyń 1-bóligi (Qylmystyq-atqarý júıesiniń mekemelerinde, arnaýly mekemelerde ustalatyn adamdarǵa osy mekemelerde saqtaýǵa jáne paıdalanýǵa tyıym salynǵan alkogoldik ishimdikterdi, dárilik jáne eseńgiretetin áseri bar basqa da zattardy, aqshany, tamaq ónimderin, buıymdardy jáne basqa da nárselerdi jete tekserýden jasyryp berý nemese kez kelgen tásilmen berýge árekettený) boıynsha bastapqy materıal jınalyp, sheshim qabyldaý úshin Almaty oblysy Qarasaı aýdanynyń ákimshilik sotyna jiberiletin bolady, – dep túsindirdi óńirlik QAJD bastyǵynyń orynbasary Qanat Ashov.

Sońǵy jańalyqtar

Uqsas jańalyqtar