Qoǵam • 27 Aqpan, 2021

Aqparat mınıstri kásibı jýrnalıstıkany damytý josparymen bólisti

51 ret kórsetildi

Elimizdiń joǵary oqý oryndaryndaǵy jýrnalıstıka fakýltetteriniń oqý baǵdarlamalary zerdelenedi. Bul týraly QR Aqparat jáne qoǵamdyq damý mınıstri Aıda Balaeva inbusiness.kz saıtyna bergen suhbatynda aıtty.

Mınıstrdiń aıtýynsha, qoǵamdyq pikirdiń qalyptasýyna blogerlerdiń yqpaly bolatyndyǵy túsinikti. Degenmen, kez kelgen jaǵdaıda kórermen kásibı jýrnalısterdiń naqtylaýyn izdeıdi.

«Menińshe, kásibı jýrnalıstıkanyń róli artady jáne biz oǵan járdem beretin bolamyz», dedi mınıstr.

Sonymen qatar ol kásibı jýrnalıstıkanyń rólin arttyrý úshin mınıstrlik tarapynan qandaı járdem kórsetiletindigine egjeı-tegjeıli toqtalyp ótti.

«Kadrlardy oqytý, qaıta daıyndaý kózdelgen josparymyz bar. Osy jyldyń aqpanynan bastap salalyq jýrnalıstıkany damytý úshin jumys bastap kettik. Jekelegen joǵary oqý oryndarymen memorandýmdarǵa qol qoıdyq. Medısına, aýyl sharýashylyǵy, ekologııa, din syndy salalarda jýrnalıster daıyndaımyz. Olar kásibı dáriger nemese ekolog bolmaıtyndyǵy túsinikti. Biraq, belgili bir salanyń erekshelikterin túsinetin bolady. Qazirdiń ózinde shamamen 300 jýrnalıst sertıfıkat aldy jáne bul jumys jalǵasady. Memlekettik, sonymen qatar jeke buqaralyq aqparat quraldary jýrnalısteriniń biliktilik deńgeıin arttyrý úshin sheteldik medıamekteptermen de jumys isteımiz. Mınıstrlik jýrnalıstıkany damytýǵa múddeli. Bul rette negizgi faktor – jýrnalıstıka fakýltetinde qalaı oqytylatyndyǵynda. Bıyl oqý josparlaryn zerdeleý jáne belgili bir JOO-nyń, fakýltetterdiń baǵdarlamasy zamanaýı talaptarǵa saı kelmese Bilim jáne ǵylym mınıstrligine usynymdar berý mindeti tur», dedi Aıda Balaeva.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar