Sýyq qarý alyp júrgeni úshin sottalyp, jazasyn ótep shyqqan bir azamat qazir Qandyaǵash qalasynyń kóshelerinde qar tazalaý jumystarymen aınalysyp júr. Esirtkini syrt kıiminiń qaltasyna saqtaǵany úshin sottalyp, probasııa qyzmetiniń baqylaýyndaǵy taǵy bir jigit Muǵaljar aýdandyq sotynyń úkimimen 80 saǵattyq qoǵamdyq jumysqa tartyldy. Endi ol óz aıybyn Qandyaǵash qalalyq ákimshiligi belgilegen orynda kúnine 4 saǵattan qar shyǵaryp ótep jatyr.
«О́tken jyly jarylǵysh zattardy zańsyz saqtaý men tasymaldaý, esirtki zattaryn saqtaý, sýyq qarý alyp júrgeni jáne bılik ókilin balaǵattaǵany úshin qylmystyq jazaǵa tartylǵan Muǵaljar aýdanynyń tórt turǵyny qoǵamdyq jumystarǵa tartyldy. Olar saıabaqtardy, kóshelerdi tazalaý, dýaldardy syrlaý men jóndeý, ǵımarattardy bezendirý jumystarymen aınalysyp jatyr», deıdi Aqtóbe oblysy boıynsha Qylmystyq-atqarý júıesi departamentiniń Muǵaljar aýdandyq №1 probasııa qyzmeti bóliminiń bastyǵy, ádilet kapıtany Gúlsezim Eshmagambetova.
